غـيوم @ghyom_24
محررة ماسية
ساكنة فوق حمولتي ولكن ..
السلام عليكم اتوقع اني مو الوحيدة اللي تعاني من السكن مع الحمولة ولو كانوا سمن على عسل ابسطها مشكلة التقيد وعدم الحريةأنا متزوجة من سنة وساكنة فوق حمولتي لي صالة ومطبخ وحمام وغرفة نوم بس شقتي مره صغيرة ولكن الحمدلله على كل حال المشكلة ان مدخلي معاهم واحد صح لي ممر ولكن هالممر بس شكليا لي وهو مو لي لان يستخدمونه ويطلعون ويجون منه ودرجي جنب هالممر بالضبط وصالة بيتهم تطلع على ممري مع باب مطبخهم وغالبا ام زوجي تتمشى فيه يعني مايفضى ودريشتهم ماشاء الله تعلمهم من جاني ومن ما جاني فعشان كذا الى لان ماعزمت احد من اهلي او صديقاتي مع اني وربي متفشلة والله اني اصبب عرق من حياء لما ارفض اهلي يجوني خصوصا اخواني استحي منهم واليوم اعتذرت منهم قلت مقدر البيت مو بيتي اعذروني وبكيت من القهر اني رديتهم ومايستاهلون حتى ماعندي مكان اضيفهم فيه وقلت بجيب قهوتي لكم ااخ بس حمولتي ينقدون على كل شي حتى على امي نقدوا بشكل غير مباشر انها مايحبون الحريم الكبار يرقصون بالعروس وامي رقصت بعرسي وام زوجي مارقصت غير كذا ام زوجي تتغطى من رجال بناتها وماتطلع ولا تجي بس قاعدة ببيتها متزاعلين مع الكل حريم عمامهم وخوالهم واذا صارت عندها عزايم وجوها حريم ماتكلف عمرها ترفع السماعه تناديني مدري تستحي مني ان شكلي ما يعجبهم !! مع اني بنظر الكل جميلة وانيقة الحمدلله او مدري ايش بتفكيرهم يعني مو حلو يجون حريم من جماعتهم وعارفين اني فوقهم ساكنة ولا يعزمون ولكن محترمة خصوصيتها واني ضيفة عندها ماتدخل ولكن يعاملوني برسمية جدااا من اول زواجي كنت اجيهم والله ساكتين اقعد ساعتين ساكتين متخيلين ويجي زوجي يتعذر عنهم والوضع الى الان نفس الشي بس يقولون انتي بنتنا وحبيبتنا وتصرفاتهم غيررر وكثير مواقف وظروف مريت فيها عرفت معدنهم ولو اني سامحة لهم كان تدخلوا بحياتي وبكل صغيرة وكبيرة لكني حاطه بيني وبينهم حدود لما لاحظت ان الميانة معهم جابت لي مشاكل والحين مره متضايقة من وضعي زوجي رافض نطلع لين يجيه قرض سكن وانطر ي .... لين يجيك الربيع وغير كذا ماني مرتاحة عندهم لو اتقضى من السوبر ماركت دروا ولو اصلح شي بشقتي عرفوا وجلسوا يسألون ليه وماليه يعني حلو السكن اذا كانت العلاقة بينكم مرررره قريبة ومافي لقافةوهذا شي نادر وماعزموني عندهم الا مرتين بس والباقي انا ادق عليهم اقط وجهي ازورهم كل يومين ولما شفت انهم ساكتين دايم ومحد يطلع لي الا بالقطارة مره ام زوجي وتروح ومره حماتي وتروح ماعاد صرت اجيهم الا مره كل اسبوعين وابو زوجي ماشفته الا مرررره وحده بس متخيلين !!! ببداية زواجي بارك وبعدها ماعد سلم علي واذا تكلموا يسولفون بالالغاز ويضحكون وانا الزوجة الوحيدة لولدهم واول ولد بعد وهذا فعلهم فيني والله اني اعزمهم واضيفهم واوسع صدورهم ويجون ياكلون ويطلعون وانظظف بعدهم وزي العسل على قلبي بس قاهرني عمرهم مارفعوا السماعة عزموني الا مرتين !! واهلي كريمين معهم اذا جت زارتهم عبت لهم الثلاجة ولكن كل شي باجره ان شاء الله يا متزوجات اللي ساكنات مع حمولتهم وش الحل كيف تتصرفون
5
2K
يلزم عليك تسجيل الدخول أولًا لكتابة تعليق.
مش مهم يعزموكي عندهم أو يحكوا معك أهم شي بيناتكم الإحترام
وما بيدخلوا بحياتك وبخصوصياتك وإنتي مابتتدخلي فيهم
وما بيدخلوا بحياتك وبخصوصياتك وإنتي مابتتدخلي فيهم
ياشيخه جات من ربي اذا هم مايعزمونك عادي اعزمي اهلك اخوانك وصديقاتك واللي تبين ومو شرط تعزمينهم الا بمزاجك زي مايسوون
ليش تصعبين الموضوع وهو مايستاهل
ليش تصعبين الموضوع وهو مايستاهل
عادي يقلبي ليش مكبره المشكله انا نفسك ساكنه فوق اهل زوجي وعندي مطبخ وحمام الله يكرمكم واصاله وغرفة نوم ومرتاحه فيها وأم زوجي معمرها جتني أبدا لاكن انا انزل كل بعد يومين مب لازم هم يعزمونك انتي انزلي كل بعد كم يوم
الصفحة الأخيرة
مثل ماهم مادخلوك في حياتهم، أظن كمان هم مايدخلون في حياتك
أما أسئلتهم على بعض الشغلات فطبيعي كونكم في بيت واحد
وصدقيني حتى الآن هذه نعمة لاتزعلين منهم
باين عليك إنسانة طيبة وخلوقة، اصبري مع زوجك وأنصحك لاتطلعين من بيتك إلا وهو متيسر ماديا، الحياة براحة أفضل من الراحة وعلى الراس ديون وأقساط.
كلما صبرتي كلما كان الفرج مفرحا
ثقي بالله واستعيني به