السلام عليكم
خواتي بنات حواء وصاحبات المشاريع الناجحه والعقول التجاريه
أريد أخذ ريكم في مشروعي فتح صالون نسائي
أنا الحين فاتحه صالون صغير في حي سكني سنه من فتحت والزباين بس
الاهل والاقرباء ودي أتوسع وأطلع علي الشارع العام شارع الجلويه
الا كل صالونات نسائيه أنا أخترت لان قريب من بيتنا مو منافسه للصالونات الثانيه
أراء الاهل تقولي لايمكن أنجح لان في نفس الشارع صالونات
طيب انا أفكر الملابس النسائيه كلهم جنب بعض والجولات شوارع خاصه للجوالات
والذهب وغيره وغيره يعني الرزق علي الله وكل هذا يعتمد علي التميز في الشغل والصبر
شنو ريكم أريد وحده تبرد قلبي وتعطيني القرار الاخير أنا منام من التفكير
وأناحب هذه المشروع وعرفه فويده وأضراره
يالله سيدات الاعمال والعقول التجاريه فكرو معي مع الشكر الجزيل لدخولكم موضوعي
مرحبا ختيه


وعليكم السلام والرحمه


في البداية اشكرج على هالطموح اللي تسعينه وانج بديتي تخطين ثاني خطوة في سلم النجاح


بالنسبة لرايي انا ,,, أنا أقول توكلي على الله وافتحي صالونج وين ما تحبين انتي وما يهمج اذا كان صوالين حتى لو كان مليووون صالون ,,,


أهم شي انتي حطي في بالج انج تبدعين في صالونج حاولي انج تتميزين عن الصالونات اللي عدالج بالخدمه وبالاسعار بحيث انج تكسبين الزباين


واللي الله كاتبنه لج ان شاء الله بيصير


بالتوفيق مقدما
مرحبا اختي رحاب
انا مع راي اختي الاميرة النائمة بجد بما ان كل الموقومات عندك
وتقولين عندك صالون من قبل يعني فاهمه الموضوع صح
وحتى الماديات ان شاءالله متسهله وين المشكله.؟
افتحي ولا عليك انا اعرف شارع الجلوية اللي الدمام تمشين خطوين تلقين مشغل
ومشاءالله تبارك الله الكل ماشي سوقه حتى اردى مشغل عليه زباين
الفكرة وين ؟؟
الفكرة 1- بالتميز يعني شكل المشغل مو لازم ديكورات وزحمه المهم مرتب
2- العاملات يكونون كويسات يعني مع الوقت بصير لهم شهرة صدقيني
3- سوي اعلانات سواء بالمبوبه او ببروشور ووزعيه
4- بين فترة وفتره تسوين تخفيض وكبدايه انصح تسوين تخفيض قوي
ووبتشوفين بعدها كيف الزباين تكولي على الله وافتحي قبل الصيف.
والله يوفقــــــــــــــــــــــــــــــــــــــــــــــــــــك يارب ويفتحلك ابواب رزقه
وبجد تراي تحمستلك لان كل شي عندك متوفر افتحي ولا يهمك وخبرينا بنصير زباينك ان شاء الله .
والله الله بالخصم

وبالتوفيق
يامخلف الوعد .... متى توفي بوعدك ؟؟!!
خواتي الآميره النائمه ومتفائله جدا

مشكورين على تشجيعكم لي ويليتكم صدقاتي


لكي تشجعوني علي وتعطوني أمل كبير في النجاح ولساني عجز عن شكركم


وأول ما أفتح ببشركم
ســــــــــــــــــلام
الله يوفقك حبيبتي وانتي مثلي مشروعي كان صغير ولله الحمد مع توفر العمالة الممتازة كبر وكان في بدايته مختصر في التجميل يعني صالون ولما حبيت اتوسع واكبر هااااا المشروع
جبتلي مصممة عدله يعني ممتازة والحمدلله هذا يجيب هذا يعني الزبونه تجيني تبغى التجميل
تشوف المصممة بتحجز للخياطة وزبونه تجي للمصممة وتحجز للتجميل وعلى فكرة ماتحجز إلا
لما تشوف الشغل وتقتنع وايضا ياعزيزتي من طموحاتي احول هاااا الشغل كله إلى مجمع نسائي متكامل من تجميل وخياطة وكل مايلزم المراءة من بضائع رآقية
و***** الله يوفقك ويوفق الجميع إلى مايحبه ويرضاه
ويفتح أبواب رزقه لك ولي وللجميع أن شاء الله
ودمتي ســــــااااالمه


الساعة الآن 03:31 .