زوجي جبرني اخدم عيال عمتي واهله

السلام عليكم
يابنات انا ام لخمممممسسسسه اطفاااال
اكبرهم 7 سنوااات واصغرهم 8 شهوور
عمتي خالة زوجي متزوجه اخوه من ابوه المهم هي عندها بيت في الطايف توها خلصت بنيانه وسكنت فيه من قبل رمضان بأسبوع بس فترة رمضان وعندها بنات وعيال كبار واولادها الكبار 2 في بيتهم في الدور الثالث وانا وسلفتي في الدور الثاني وعمتي ام زوجي في الدور الارضي
وحده من سلفاتي مسافره جده تتمشى من نص شهر 8
وانا ملزومه اخدم عمتي ام زوجي وولدها العازب واثنين من اولاد اختها اللي هي عمتي الثانيه راحت الطايف وخلت عيالها عندي اخدمهم وكأني ناقصه
المهم انا احترم ام زوجي واقدرها ودايم اخدمها
بس انا تعبببببببببت كل يوم فطور وسحور والاهم ان اخوهم الثاني زوجته معاي في نفس الدور في شقه لحالها ينزل يفطر معاهم ويادوب ياخذ سمبوسه وشوربه وهي سلفتي مرتااااااحه وعندها شغاله ولا هي ناويه تشيل الحمل عني شوي او على الاقل تساعدني بكم طبق
والله يابنات اني من الصباح الساعه 6 في المطبخ اصلح الحلى والمهلبيه والكيك واجهز الاغراض واروح انام للساعه 2 او 3 تمام بالكثير اصحى واكمل الباقي وكل يوم لهم شروط ويعيبون على بعض الاكل وبعض الطبخات مايمدون يديهم عليها بحجة انهم ماياكلون شي مايعرفون مكوناته
مثلا صينية خضار صلحتها امس ولا اكلوا منها شي رموها زي ماهي
وعلى كذا عيالي الصغار اثنين يحتاجون مراعاه ولعب واكل وتغيير حفاضات
مايمديني الحق على شي
حتى زيارتي لبيت اهلي محدوده اجلس انظف بيتي واخلص ربع شغلي بعد التراويح الساعه 10و الساعه 12 لازم اكون في البيت اجهز للسحور
البارح كنا رايحين نقضي للعيد ونتمشى عمتي ام زوجي زعللللت تقول يعني مابتجون للسحور قصدها ليش اطلع ما اسوي لهم سحور طيب هي على عيني وراسي بس انا مو مجبوره كل يوم اكرف لين اطيح مكاني بعد عيالي محتاجين اغراض والتزامات
كلمت سلفتي وقالت خذي راحتك تمشي وانبسطي انا بصلح لهم سحور ماقصرت جزاها الله خير


لاكن انا تعبببببت اقسم بالله هلكت طالع في وجهي هالات سوووداء من قلة النوم والارهاق
وزياده على كذا حلقي ملتهب ومزكمه ولا اشم الريحه ولا اتذوق الاكل تعبت تعبت
واذا شكيت لاهلي يقولون عني خبله المفروض ما اسوي لهم المطاعم قدامهم وان مالي شغل فيهم وماني ملزومه فيهم
بس انا اسوي عشان عمتي ام زوجي احس انه احراج ما اصلح لهم فطور وهم معتمدين علي في كل شي يعني لو ماصلحت ماراح يفطرون
والسحور اذا ماصلحت ماراح يتسحرون معتمدين علي 100%
كيف اتصرف انصحوووني على الاقل اتخلص من نص الشغل
قلت لسلفتي يوم علي ويوم عليك بس هي ماتصلح لهم شي بحكم انها من عائله بعيده عنهم وانا بنت خالهم
وزوجي مايساعدني حتى في ولده الصغير يجلس يبكي لين اروح عنده


وامس احترقت علي كيكه وصلحت غيرها عشان راحت اشوف ولدي وهو يصيح انبح صوته وانا اسابق الوقت احاول اخلص قبل الاذان لاني امس ماصلحت شي الصباح عيالي صحوني من النوم وانا كنت مررهقه وماقدرت اسوي شي مكسره والزكام لاعب فيني نمت الساعه 2 وصحيت 3 وانا حتى حلى ماصلحت وزوجي من النوع اللي يحب السفره مليااانه ومنوعه بس للمنظر الا ماياكل كثير
انا ما ادري كيف اتصرف او ايش هو الحل المناسب لاني استنفذت جميع الحلول ما استفدت منها شي
تعتقدون اني ملزومه فيهم والا لا وكيف اتصرف 😟