واااسوووني شوي .. لو بكلام حلوو لو بدعوة في هالشهر الفضيل

ما ادري وش اقوول وكيف ابدا .. والله كل يوم اقول بفضفض هنا واصبر واتحمل واسكت .. بس اليوووم احس اني غير ..
ادري ان الشكوى لغير الله مذله .. لكن ابي افضفض ابي ارتاح ..

الحمدلله محافظه على القيام بسورة البقرة وامس قريتها وهي تريحني الحمدلله لكن ابي اتكلم ولو شوي ..


احس يوم عن يوووم يزيد حزني يزيد قهري يزيد وجعي ..

طلاقي قتل كياني قتل احساسي قتل كل شيء فيني ..

احاووول اكابر واقوي نفسي واقول لا تهتمين لاحد ولا احد يهمك طنشي وتجاهلي .. احاول اسوووي هالشيء كثير .. بس فجاة اشوف عيوووني تدمع وتبكي .. احس من داخلي مكسرررة ..



طلاقي كسررررني وكسر حياااتي الحمدلله على كل حال ... يارب ما اعترض ع قضائك .. والله العظيم اني اكتب لكم وانا ابكي ..


انا طلعت من بيت اهلي مرتاحه ومبسووطه اني تزوجت .. ولكن فجاة لقيتني ببيت اهلي مطلقه ..

اتالم من طليقي والي سواه فيني .. والي تتذكر سالفتي رح تعرفني .. طلقني بدوون سبب مقنع ورجع طليقته الاوله .. حسبي الله عليهم ونعم الوكيل .. لانها كانت سبب في خراب بيتي .. وهو ضيع مستقبلي وشبابي وعمري .. مطلقه .. اغلب الناس ينظرون للمطلقه وانها متخلفه وعبئ .. واقرب مثال اهلي ..

دائما يرمون علي كلام واني انا ماصبرت واني انا الي كنت ابي الطلاق

وان بنات احسن مني صبرو على ازواجهم وحياتهم وانا ماصبرت ..

وكلااااام يزيد يقتلني .. الحمدلله على كل حال ..

وانا ما طلبت الطلاق وهم يعرفوون انه حرمني من الحمل وكان يخوني مع طليقته وبالاخير غدر فيني وطلقني ..الحمدلله ..


بنات تعبت من معاملتهم لي تعبت من امي الله يسامحها ويصبرني ..

تقول احسن الي يصير لي وتعايرني دايم اني انا عله ع قلبها ومن عالكلام .. وهالكلام حييييل يوووجعني يارب صبرني ..


.. تحسسني اني غبيه اني مالي قيمه .. اني ما افهم بشيء .. تنقدني بكل شيء .. تهيني لاتفه الاسباب .. تفرق بيني وبين خواتي ..

برمضان هذا .. انا الي اقوووم اسوي الفطور .. وياويلي لو ما اقوووم تجلس تهيني وتهددني بكل شيء عندي ..

تستنقص من قدري تستفزني انا سااااكته لانها امي ..

والا لاني مجروحه وطفشانه تزيد قهري ووجعي بحياتي .. الله يسامحها ..

صرت اكره اروح للناس اكره اروح للمناسبات اكره الناس كلها .. ليه ما اروح .. لان ما اروح الا وقد كرهت نفسي وكرهت الحياة وقد بكيت حتى عيوووني تتورمت .. او نفسيتي انسددت ... تعاملني وكاني ضرة لها مو بنتها الي محتاجتها ..



ماعاد ابي اتذكر اكثررر بس وربي يا عيوني تدمع .. حسبي الله على كل من تخرب بيوت الناس .. او تفرق بين زوجين ..

اشتقت لبيتي اشتقت لحياتي لخصوصياتي اشتقت لكل شيء .. يارب عوووضني عما فقدت وارزقني زوجا صالح وراحه وصبر يسع الكون بما فيه ..



ما كتبت هنا الا ابي افضفض شوي واشوف ردودكم ..



ودعواتكم لي بالزواج عاجلا غير اجل في هالشهر الفضيل ..

ويااارب ارزقني زوجا صالحا شاب اعزب غني كريم يسعدني بالعاجل القريب يارب ..

ابي دعوووواتكم .. الله يرزقكم بهالشهر بما تتمنون ..