الله يحللك وصلنا لطريق مسدود😳

السلام عليكم
قبل اسبوع نزلت موضوع يوم نتخانق ع نزله السوق ومطارد بالدرج
واعتذر وخلصت كل التزاماتي وجهزت اغراضي
ورحت للدكتورة قالت تعالي الاسبوع الجاي بسوي لك طلق صناعي الموية كثيرة
دقيت سألت امي ضايق صدري قالت بتخوّفك عشانه خاص لاتروحين الا اذا جاك طلق
قلت له وهاوشني أمك دكتورة و و وكل شي تقوليه لأهلك اسكت
يوم صار الأحد قلت بروح لأهلي قال الجمعه قلت انت طالع وماعندي شغل بروح أوسع صدري
وأخذت شنطة ملابسي اللي احتاجه للنفاس
طول الطريق مكتم وطاقة زعله
يوم دخلت بالشنطة قال ابوي متخانقين قلت لا بروح بعد السحور قال تخبين علي قلت لا
دقيت عليه سحب علي قال نامي عند اهلك واشبعي منهم
قلت انا جاية مسيره مو بنام
والاثنين مثل يوم تسحرت تجهزت وقال ماراح اجي
تعرفون الغامض اللي بس يقلقك مايقول اجلسي عند اهلك بسمحة نفس يسويه زعل
امس دقيت اسلم قلت ماراح تجي قال ليش قلت بروح لبيتي ونفس الكلام
ابوي عَصّب وقال يبي الفكا يبغاها من الله الرجال بايع
و و وانتي ماتفهمين هو وامي اوجعوا راسي
وانتي تداري عليه
قلت معبرته وراضية هو زعول وش اسوي
قال مايصلح يقلقك كذا يقول ماراح اجي وخلاص مو عينك ع الجوال ومهتمه ورأسك مشوش
(قد سوا هالحركه قبل وأقول بتجي قال لاصار بيتك وزوجك اول اهتماماتك جيت ومن هالكلام ماعمري جيت عند اهلي الا سبب مشكله
خنقه ابوي بالنقاش وش مسويه وش الغلط اللي بدر منه قال ماغلطت قال ابوي انت تدور مشاكل
زوجي زعل ع ابوي بعد الكلمه وشطب عليه
وجيت مره ثانيه ابوي يسلم ويرحب وزوجي شايل عليه عرف ابوي وكش
وبعد السالفه كل ماجيت يجدع كلام ابوي )
عاد عَصّب ودق ع الرجال اللي جايبه لنا قال الله لايوفقك ولايحللك وسكر الخط
الرجال دق ع زوجي وقال وش فيك انت وزوجتك
دق يهاوش علي انتي ليش تتشكين وش مسوي لك قلت ماتشكيت انت تفشلن اقول بيجي وتسحب علي
يقولون معشمه نفسك مايبغاك
يوم صار بعد ساعه أرسل وصلنا لطريق مسدود والله يحللك
قلت بلا جنان و و وهو مصمم انت وانت وانت دايم انا غلطانه
قلت انت وأبوي كل واحد حاقد ع الثاني انا وش دخلي ماشكيت ولا قلت شي
الله لايحللك ولايوفقك
ياناس تركني وانا بقى اسبوع وأولد
احس منجرحه منصدمه فيني غصة حتى الدمعه عيت تنزل
واهلي مايسوى تضيقي نفسك عشانه ومايستاهل وهو بايع انت ماتفهمي كل ماجيتي سبب مشكله
طيب انا راضيه ماشكيت لكن هذا حظي والله يكون بعوني
ارسلت له انت بايع ومقفي وانا اللي الصق نفسي واذا ماتركتني اللحين بتتركني بعدين
اهم شي عرفت انه يجيك أطفال والسلام
حتى جية ولدك بتسمع خبره من الناس ماراح ألصق نفسي وادق
قال كل البلا فيني انا وابفكك من تصرفاتي وانتبهي لنفسك
😟😟