محتاره جدا اعطوني خبراتكم و نصايحكم

السلام عليكم و رحمة الله و بركاته
تكفون ي مشرفات لا تنقلون موضوعي لو يوم عشان هنا فيه حضور تكفووون
مشكلتي بأختصار اني بنت طموحه جدا و اشوف الدنيا وردي و كل شى تمام بس ما فلحت في دراسه و لا فلحت باي حاجه 😆
المهم وضعي المادي سيئ و الوظايف مستحيله و زوجي راتبه كله قروض يعني يوفر لقمه اللعيش فقط راتبه حوالي 6000 بس دوامه بعيد و يكلف في النزين و البيت و اغراضه الضروريه جدا فقط ماعاد يبقى اخر الشهر ريال .
جربت ابدا مشاريع كثير و كلها فاااشله من بيع فساتين بالاستقرام و مكياج و اكل و بواريك و فيديوها و توزيعات و تنسيق حفلات و معمول ملون
كلها ما فلحت و لا في مشروع واحد ابدا ابدا


الزبده فيه اعلان شفته عن اسر منتجه الرف بسعر مناسب ب 300 مع فريزر ب 200 و تحمست اشترك فيه و قلت لاختي وافقت تشترك معي لاني وحدي ما بقدر مكلف
و كلمنا صاحب المحل و اتفقنا نودع العربون 200 ريال
المشاكل و العقبات .. اخاف اخسر و الاكل ينرمي ما استفيد شى
ماعندي دخل يعني اقدر اوفر اغراض الاكل و البلاستيكيات الي بحطها فيها بس السواق عندنا غالين اكثر من واحد كلمناه قال المشوار ب 40 😯 يعني لو بودي اكل يومين
بياخذ السواق الربح كله 😥 " مستحيل زوجي او واحد من اخواني يساعدني بهالشى "
الثانيه م ادري وش اسوي .. ورق العنب اضبطه بس متععععب و احيانا يتفك و ما يضبط و الملفوف نفس المشكله متعبببب
الحلويات م تضبط معي و غاليه اخاف اتخسر و ما استفيد " الي عندها حلا مضمون و محبوب تفيييدني "
و ثالثا و المهم امي من النوع الحريص على الغاز و على القدور و على نظافه المطبخ يعني اختي متردده و الاكيد انها بتنسحب لان امي م بتعطيها حريتها " و اقترحت لها تجيني تشتغل معي ببيتي بس هالفكره صعبه شوي لان عندها دوام صباحي ""


ف ايش رايكم استمر و ادفع العربون و استودع الله
او تحسون الشغله ما بتجيب همها خاصه اني
ما عندي مبلغ اقدر اغامر به ..
الي فكرت به اعطي نفسي فرصة ثلاث شهور ان شفت اني م استفدت اكنسل و ارتاح
لان الشغل على راسي كله و لا باقدر اجيب خدامه
و انا محتاااااااجه لدخل خارجي من تعبي
ملاحظه : لدي رضيعتين وحده سنتين ووحده 6 شهور 😯 و الحمدلله
رايكم يهمني و دعواتكم تسعدني