حمولتي متحفظين على خصوصيتهم بس خصوصيتي ... !!

السلام عليكم
انا مثل ماهو واضح بالعنوان حمولتي الله يسخرهم لي من النوع الصامت يعني اقعد معهم ساعتين ثلاث اربع مايسولفون عالصامت يا يشغلون تلفزيون ويحطون برنامج او يتشكون لي بامراض فيهم او مصايب صارت لهم ويعيدون السالفة مليون مره لين حفظت احزانهم كلها وكل السوالف تكون تحقيق معي وش سويتوا وش بتسوون بالمستقبل متى نمتي متى صحتي اختك ليش تطلقت اخوك كيف عرفتوا مرته وخطبتوها !! وما ييأسوون يعيدون السؤال مليون مره واجاوبهم وليتهم يسكتون يرجعون من جديد يسألون طيب بمقابل صمتهم حمواتي يسافرون ويرجعون من السفر ولا ادري الا بالصدفة وسفراتهم لدول بعيدة يعني مو قريبة عشان اقول كيفهم يخبون وطبعا حملهم ما تدرين عنه الا بالشهور الاخيرة ولا تعرفين جنس البيبي ولا غيره وانا ما اسال لان هذي خصوصية بس تجي تسألني اخته تعالجون ولا مابديتوا !! يعني تتدخل بخصوصيتي وتسألني اسئلة محرجة واللي فاقع مراراتي يجيهم ضيوف ويسوون عزايم ولا يفكرون يدقون علي اجيهم ولا عمرهم عزموني الا مره وحده بحياتهم !! دايم انا كل ما خذيت اسبوعين ثلاثة ادق عليهم اقط وجهي عشان اسلم على خالتي بس وبالنهاية اشوف التصرفات اللي فوق وبالمقابل انا ادق عليهم اعزمهم يجوني يد قدام ويد ورا ياكلون ويمشون يدينهم ويطلعون مني وبالصدفة اكتشف انهم يتكلمون فيني بالسوء او ينافقوني من خلال بعض المواقف ..
( وتراني والله ما عمري تلقفت وسألتهم عن خصوصياتهم حتى لو هي واضحة وضوح الشمس ولا عمري تكلمت عنهم بسوء عند احد او طلعت سوالف تصير عندهم حتى طلاق اخته ما علمت انها زعلانه عندننا لين تطلقت وبعد طلاقها بشهور اللي سألني قلت اي تطلقت غيره ما تكلمت ) تصرفاتهم غبية وغريبة
ماعلينا الحين وش التصرف المناسب معهم مابيهم يعرفون خصوصياتي ولا عاد يسألوني اسئلة خاصة وهم حياتهم مبهمه حتى عني يا مرت ولدهم وبعد زوجي ما يخبي عليهم كل شي يبي يسويه يروح يصب باذنهم وظيفة جديدة مشروع يبي يبدأ فيه طريقة اكلي مع اني مرتبه بس يتكلم اني اكل الليمون بلحاله واشياء كثيرة مالهم دخل فيها وش السوااات ؟ ابي يوقف هالعادة تعبني