سافر وتركني

السلام عليكم ورحمة الله .. وكل عام وانتم بخير
جيتكم يااخواتي ابي طريقه أقنع زوجي بها تعبت طفشت منه تخيلو بداية رمضان سافر وتركني عند أهلي وآخر رمضان يوم 28 كمان سافر لأهله عشان يحضر زواجات اقاربه وتركني عند أهلي وراح يجي خامس أو سادس العيد ويداوم أسبوع ويسافر مره ثانيه مع أصحابه لمده أسبوع وكمان راح يتركني عند أهلي انا عندي طفلين منه طفشت منه استحي من أهلي بظرف شهر سافر ثلاث مرات .. هو معاملته زينه معاي بس من ناحية السفريات والتمشيات والطلعات لامايحب يابنات وش اسوي دلوني على حل ماجاني نوم بس أفكر كيف اروح لبيتي كم يوم وارجع لهم سراحة امي الله يخليها لي معاملتها حلوة لي ولاطفالي بس ابوي وخواتي أحسهم يتضايقون مع أن أطفالي صغار الكبير لسى ماكمل سنتين ومستحيل يخليني ببيتي لحالي يقول لو تحتاجون شي ماحد حولكم ابي اروح وانا متطمن عليكم يابنات تكلمت زعلت حاولت بس رافض يقولي الأيام أطول من أهلها اوديكم امشيكم اسافربكم بس ماشفت شي لي ثلاث سنوات اطلبه ابي اخذ عمره يقولي بعدين عمري ماعتمرت إلا مره وانا بالمتوسطه .. سافرت 4 أيام بعد زواجي بثلاث شهور يقولي شهر عسل .. تعبت ابي أكون مثل الحريم على الأقل سفره بالسنة لو أسبوع أو يجلس عندي مايسافر أو ياخذني معاه .. طيب يمشيني مولات حدايق ممشى بر كله ممنوع .. عارفه دخلت بأكثر من موضوع بس من الطفش وقلة الحيله مدري وش اسوي