nouna82 :

اختي باين انك مستجدة في الحياة الزوجية طبيعي ان زوجك اول ايامه حيسمع كلام اهله اكتر وحيسمح لهم بالتدخل في حياته ولاحيهمه زعلك لانه قاعد يوريهم انه شوفوني انا ولدكم ماتغيرت عليكم ولا في وحدة تقدر تغيرني طبيعي هدي المرحلة في حياة كل زوجين بشوية وقت وصبر الامور بتتغير وانتي من وقت للتاني حيبقى لك كلمة ويخف تدخلهم لانك في الاول والاخير انتي الي عايشة معه دايما امدحيه وامدحي اهله ولو قالك ماما قالت كدا ردي رد حكيم وعاقل متلا صحيح الوالدة الله يخليها عندها خبرة في هدي الامور واكيد رايها مو من فراغ وانا معاها حتى لو انتي ضد الي قالت لكن قولي كدا عشان مايترسخ في دهنه انك بتكرهي اهله وتكرهي تدخلهم في حياتكم لانه بكدا مش حيتقبل منك اي حاجة لكن مرة كدا مرة تقولي رايك وشوي بشوي حيصير يسمع لك اكتر لانك انتي زوجته وشريكته في الحياة بس بهدوء ومو بعصبية تاني نصيحة لكي اوعي اوعي عند اي مشكلة تروحي بيت اهلك بكدا تحسسيه بعدم الامان وانك بسهولة بتتخلي عن البيت والحياة الزوجية تزاعلي وتخاصمي وانتي في بيتك وبتادي كل واجباتك معه لكن قللي كلام قللي اهتمام لكن دون التقصير في الواجبات وهو اكيد حيحس بزعلك ولما يتكلم معاكي حطي النقط على الحروف معه بكل هدوء وود ربي يوفقك ويرزقك يارب

اختي باين انك مستجدة في الحياة الزوجية طبيعي ان زوجك اول ايامه حيسمع كلام اهله اكتر وحيسمح لهم...