السلام عليكم
ي بنات انا زواجي قريب وما اعرف اطبخ ابي اعرف وش الاشياء الي لازم الواحدة تتعلمها قبل زواجها من اطباق اساسية الى الحلا
ساعدوني اكتبو لي طريقة الاكلات كلها انا ما اعرف وام خطيبي طباخة رح اتفشل وهو مبتعث يعني لازم انا اطبخ له
تكفون الي تساعدني الله يدخلها الجنه ويوفقها
21-10-1437 هـ, 05:14 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تكفون علموني كل شي او دلوني علموني على الاقل كيف اسوي الكبسه و القهوة وحلا وبيتزا يعني ذي الاشياء الاساسيه
21-10-1437 هـ, 05:19 مساءً
 
ياقلبي انتي زيي الله يتمم لنا على خير
شوفي انا صرت اعتبر نفسي طباخه ولو اني موملحقه على كل الطبخات بس لما اتحمس لطبخه اضبطها وقريب كنت زيك تماما جااااااهله حتى القهوه ماعرف اسويها
الحين صرت وحده ثانيه اتحمس على التجديد بالطبخات ماحب الروتين كل مره احب ابحث شي جديد والحمدلله اضبطه دامي امشي على المقادير والطريقه بالضبط والتظبيطططط


طريقه القهوه :-
جيبي ترمس (ثلاجهةالقهوه) حطي فيه
ملعقه كبيره بن + نص ملعقه زنجبيل بودره + نص ملعقه هيل مطحون + لو حابه تضيفي قشر قهوه اضيفي ربع ملعقه + ولو حابه قرفه تعطي نكهه حلوه بس حطي قلييييل طعمه قوي حطي اقل من ربع
بس وصبي بالثلاجه ماء مغلي وقفلي الغطا ورجي الثلاجه كويس وخلصنا ☺


طريقه الكبسه سهله سويه بقدر الضغط اسرع :-


على النار زيت وبصله مقطعه و2 ثوم مهروس ولما يذبل البصل حطي الدجاج
حطي 2 طماطم مقطع وملعقه بهارات ورشه كمون وحبه فلفل حار واتركيه على النار 10 دقايق
اضيفي الرز على الدجاج وصبي ماء مغلي حتى يغطي الرز ويصير اعلى من الرز بسنتيمتر واحد وقلبي


بس وخلي النار عاليه واستني حتى يغلي الماء ثم قفلي غطا القدر واتركيه على نار شبه هاديه 10 دقايق (بقدر الضغط) او 25 دقيقه بالقدر العادي وبالعافيه


عساك عالقوه ياعسل
21-10-1437 هـ, 06:00 مساءً
 
شوفي هذا ايدام هندي سهل ولذيذ سويته لاهلي اليوم وعجبهم
https://www.hawaaworld.com/showthread.php?t=349919...


وسويت معه خبز تورتيلا بس طلعت معي ناشفه ودورت طريقه تخليها طريه بجربها وافكر اسوي فيها ساندويشات شاورما بكره 😍


هذي الطريقه وش رايك نتفق ونسويها بكره 😍😍😍
المقادير:
3 ملاعق حليب بودره، ملعقه سكر مطحون، ملعقه صغيره ملح، اقل من ربع كاس زيت، ملعقه صغير خميره، نصف كاس ماء، كاسين دقيق الكويت .


الطريقه:
1/توضع جميع المقادير في زبديه ماعدا الدقيق وتخلط بالخلاط اليدوي
يضاف الدقيق وتعجن حتى تصبح عجينه متماسكه وتغطى وتترك نصف ساعه ثم تقطع دوائر وتغطى وتترك نصف ساعه اخرى
2/تفرد بالفراده مثل الخبز ويرش سطح الفراده بالنشاء وتفرد عليه قطع العجينه لتصبح طريه ورقيقه
3/تخبز على الصاج لما يسخن على نار متوسطه ويدهن الصاج بمسحه بسيطه قبل الرغيف الاول فقط ويراعى ان لايحمر الرغيف كثيراً حتى لاينشف .
بعد الخبز حطي الرغيف في فوطة ودخليه الكيس وقفلي كويس ، ..


كاتبه دقيق الكويت ماعرف من وين اجيبلهم عموما بصرف بمن الي عندي وعساه يضبط 😂
21-10-1437 هـ, 06:10 مساءً
 
اما الحلا للاسف مااااليا فيه وعمري ماضبطته
والبيتزا سويها بطريقه عجينه العشر دقايق تلقيها بقوقل بكل مكان كل الناس هابه فيها واستعمليها بكل المعجنات سهلهههه
21-10-1437 هـ, 06:17 مساءً
 


الساعة الآن 07:07 .