مساء المسرات
كنوع من أنواع التوفير حاولي يكون اسبوع من الشهر مجاني
وماتصرفين فيه ولافلس
والطرق كثيره وسهله ومتاحه
1) تشترين طحين وتجبزين مخبوزاتك بأنواعها بالبيت وتشترين لبن (2لتر) وحليب طويل الأمد
2)وحتى حلويات ومشروبات عيالك والمنظفات اشتريها بالكرتون اول الشهر
3)وحتى طلعاتكم بهالاسبوع حاولي تكون ببلاش فتجهزين العشا والتسالي بالبيت
4) من فريزر المجمدات والمقالي اللي بالأسواق نوعي واختاري من كل نوع جاهز واريح لك من الوقفه بالمطبخ بالساعات
5) ممكن تخلطين لبن بحليب روووعه لو اللبن ماكفي بآخر مره
6) استعيني بالحلويات الشرقيه السهله حلوى عمانيه
وعيش بحليب وسكر (تركيه ولها مليون طريقه سواء عيش مطحون اومخلوط بطحين الخ/ وبمصر يسمونها رز بلن)
فهي سهله وحلوه ومكوناتها متاحه
7) جهزي الفيمتو والتانج باجياس وللفريز هذي مثلجات شعبيه تونس العيال
8)استعيني بحلويات رمضان من مهلبيه / كريم كراميل وجيلي وتفنني بطرقهم وتلوينهم
9) الماء +سكر + الوان اكل = مشروبات ملونه ومثلجات ملونه مجانيه
10) اطبخي تشكيلة محاشي سواء كل يوم نوع او كل يومين نوع
11) استعيني بالمعلبات سردين تونا ورق عنب مطبوخ فول الخ
وأما باقي الشهر فنظمي حياتك وشغلك وطبخك نفس اللي بهالرابط
https://www.hawaaworld.com/showthread.php?p=919912...
مشترياتك:
اشتري من الدجاج الجزء والنوع اللي تحبونه وبس
مثلا جناحات / صدور / دبابيس / قوانص / فليه / ساده اوبالبقسماط
وهكذا اشتري اللي يحبونه عيالك واهلك
ولاتشترون الا اللي تحبونه وبس ولاتدفعون فلس على شي ماتحبونه نهائي
وهالقاعده طبقيها على اللبس والمنظفات وكل شي بحياتك
لاتقطين فلوسك على شي موعاجبك اوموعاجبهم
فايدتها:
+بدال هدر الفلوس ورمي الأكل بكميات أو لانتهاء تاريخه وهو بقراطيسه
+انكم تكتفون باللي تحبونه واللي تاكلونه وهذا من صون النعم
+تكونين قفلتي باب هدر واب اسراف كان بالسابق يطير البركه من الفلوس والبيت
+ وقفلتي باب ذنوب انتي في غنا عنها
+ماراح تحتارين شتطبخين لهم يوميا فكل واحد تطبخين له صنفه المفضل وبس
+وهالشي بيسهل لك ترتيب ثلاجتك ومطبخك بدال لااتزاحمينهم بشي ماتحبونه
+اسرع للتجهيز
بهالطريقه ممكن توفرين مبلغ حلو من المصروف نفسه ينضاف لمبلغ الادخار والطوارئ والخرده شهريا
وكل ماصار1000 ريال او600 اكثر اقل مومشكله حطيها بحسابك
فهي لعبه حلوه ومسليه وبتشجعك على الادخار باستمرار ومن بعده تشترين ذهب لبناتك ولك تسافرين تشاركين بمشغل تجددين ببيتك الخ
كلها حلوه لو بديتي بالتخطيط لها بهالطريقه
وطول هالاسبوع المجاني ابتكري لهم وتفنني واعتبري كل يوم رمضان باصنافه وابداعاته ومن الموجود وبس
واعتبريه تحدي بينك وبين نفسك
ولو نجحتي فالمرحله الثانيه بتكون :
اسبوعين مجانا
اسبوع ايه واسبوع لا بهالطريقه ممكن تصرفين 1200 شهريا بدال 2400 وانتي وشطارتك
ولوخايفه من طلبات العيال بهالاسبوع
فاشرحيلهم خطتك الماليه هذي واطلب انهم يساعدونك بافكارهم وابدي اعجابك باي فكره مميزه منهم وطبقيها
وعموما باستمرار شاركيهم خططك الماليه علشان يحسون انهم شركاء معاكم بكل حياتكم
ويارب الموضوع يعجبكم
