بصراحه انا اقطعه مربعات صغيره واسويه مع المكرونه

صينيه مكرونه بالخصار ( قرع-كوسه-بطاطس-ذره-بازلا)

تطبخي لحمة مفرومه كالمعتاد وتحطي فوقها الخضار وتزيدي المويه

وتتركيها تتطبخ لحد ما تستوي الخضار وتنشف المويه ...

تحطيها في صينيه فرن وتحطي فوقها مكرونه مسلوقه وتقلبيها مع بعض

وتتركيها بالفرن ربع ساعه ...


او ممكن تعمليها ايدام عادي برضو لذيذه

وكمان فكرة تعمليها مربي لكن انا ما اعرف طريقتها ؟؟؟؟
27-12-1426 هـ, 02:06 مساءً
 
جبتلك طريقه من منتدى ثاني لكن استغربت انه من مقاديرها رخام ؟؟؟؟؟؟؟؟

عاد انتي شوفيها لكن سويها من غير رخام!!!!!!

أولاً تجيبي حبة قرع كبيرة وتقطعيها بالطول وكل قطعة تقطع الى مربعات

صغيرة ، وبعدين تشيلي القشرة الخارجية بشويش .

بعدين تجيبي زبدية كبيرة وتضعي فيها ملعقتين رخام رخام ابيض

اللي يستخدموه في دهن البيوت ( عشان يطلع مقرمش القرع حسب قولها )

واتركيه لمدة ساعتين وبعدين اغسليه جيداً ونشفيه بمنشفه نظيفة

تكوني محضرة الشيرة وهي عبارة عن :

سكر كاستين أو أربع

ملح ليمون

قرنفل

هيل

قرفة

وتغلى حتى تصبح ثقيلة

ثم نضع القرع في الشيرة مع ملاحظة أن يكون جاف جيداً .ويترك يغلي

مرتين وفي الثالثة نطفي النار تحته ونتركه ليبرد ..

وبالهنا والعافية .

أتمنى تكون واضحة الطريقة .
27-12-1426 هـ, 02:22 مساءً
 
دموع الشوق شكراً لك
ام ياسمينا انا في انتظارك شكراًلك
29-12-1426 هـ, 03:35 مساءً
 
اطيب قلب شكراً لك على والوصفات تسلمين اعجبتني الوصفة الاولى الثانية غريبة
يسلمو حبيبتي
29-12-1426 هـ, 03:46 مساءً
 
هلا بك اختي الغاليه

عندي لك طريقه ان شاء الله راح تدعين لي اذا جربتيها..

اولا:
تاخذي القرعه وتفتحيها من فوق يعني راح تكون معك مثل القدر وله غطاء
وتنظفيها وبعدها تكوني مجهزه الحشوه..

الحشوه:
1 كوب رز مسلوق
نصف كوب مكرونه صغيره مسلوقه
1 كوب لحمه مفرومه مجففه على النار

يحمس بصل مع قليل زيت وبعدها تضاف اللحمه
ويضاف اليها قليل من الكزبره المفرومه وتتبل بالملح والبهارات=نصف ملعقة شاي من كل من(قرفه+فلفل اسود+بهار مشكل)
وبعدها يضاف الرز والمكرونه وتخلط كل المقادير مع بعضها..
وبعدها تحشين القرعه وتلفينها بورق قصدير وتحطينها بصنيه تيفال وتدخل فرن ساخن لمدة ساعه الى ساعه ونص..لما تحسي انها صارت القرعه طريه شوي من الخارج..

بالصحه والعافيه ياارب..
30-12-1426 هـ, 07:09 صباحاً
 


الساعة الآن 10:42 .