كيف تتعاملون مع حزنكم

السلام عليكم ورحمة الله ..
كيفكم بنات حواء .. موضوعي زي مو واضح بالموضوع .. كيف تتعاملون مع حزنكم !
بداخلي حزن عمييييق مثقلني والظلم اللي تعرضت له مخلي قلبي زي الجمره ودايما احاول اصلي واكثر من الذكر والقران والدعاء مؤمنه فيهم بشكل كبير
لكن ما اشعر اللي بداخلي يخف او يقل ماشاءالله اغبط اللي يقولون صليت ودعيت وراح الحزن والضيق اللي بخاطري
احاول اسوي كل هالاشياء واتقرب لله لان الله يحب الذاكرين وكلي ثقه برحمته لعباده وعندي ثقه ان الدعاء سلاح ما افوت وقت بدون دعاء لي ولكل من اعرف حسب حاجتهم ، لكن ما يحزني اني كل شي اعمله واسويه
ما يخفف حزني .. دمعتي جاهزه مره اي شي يبكيني مع ان زمان ابدا ما كنت كذا .. كل يوم اقول بكرا بإذن الله بيخف الشعور اللي بداخلي ويجي الفرج
لكن للاسف لا يظل زي ماهو حياتي الاسريه ممتازه الحمدلله عندي اشياء لو اجلس الى كم ما اقدر اشكر الله عليها ، لكن الحياة باهته بعيني ما صارت زي زمان ..
كيف تتعاملون مع حزنكم والالم اللي تشعرون فيه ! كيف تتخلصون منه ! كيف تنسون الماضي !