حمايلكم مثل حمولتي ؟ 😞

سلام خواتي
اخباركم
انا كملت سنتين متزوجة وبهالسنتين ما شفت غير ام زوجي وخواته وبالصدفة اشوف ابوه بالشارع اذا جيت ازورهم يعني اشوف ابو زوجي مره او مرتين بالسنة وكلها بالشارع حتى بالعيد تتعذر ام زوجي انه تعبان او ما انام وانا اسمع صوته بالصالة واقولها وصلي سلامي له ومعايدتي طبعا ابو زوجي بحياته ما عزم ابوي على عزيمة وبحياته ما جاء بيتنا غير وقت الملكة وباقي المناسبات لنا ما يحضرها مرره مستغربة من حركاته هل هو رافض زواج ولده مني او شنو ؟
ولكن اللي زاد غرابتي ام زوجي تسوي عزايم وجمعات ويزورنها حريم اخوانها وسلفاتها وحمايل بناتها وماتتكلف تقول حياك انزلي متخيلين ولا مره شفت قرايبهم لا عمات ولا خالات ولا شي مخبيني عن الناس تحضر عزايم تاخذ بناتها وما تتكلف تقول تعالي وهي عزايم كبيرة يعني تجيهم دعوات زواجات ما يعطوني ! ولا يبلغوني احس اني طالعة قدام الناس بمظهر القاطعة فيهم وكان بيننا عداوات
بداية زواجي حاولت ادخل فيهم وننقرب ونصير حبايب ولكن ما لقيت الا صد وجفاء يعاملوني برسمية شديدة صامتين مايسولفون افتح معاهم سوالف يردون بكلمة ورد غطاها
بحياتهم ماتصلوا علي الا مره انزل اتقهوى معهم عكسي كنت كل اسبوعين اجمعهم عندي واذا جاء زوجي من الدوام يبدون يرسلون مره حلا مره عشا قدام زوجي يعني مو مقصرين مع مرتك !
اتصل فيهم ما يردون علي
ارسل لهم ولامهم ابي اسلم عليها ترد علي بعد ليلتين ثلاث ؟؟ وقتها يخرب حلاي اللي باخذه لهم وتخرب قهوتي
ونادر ام زوجي ترد علي تقرا ولا ترد وهي جامعية ؟!!
اجيهم يتخبون بالصالة ياكلون العشى او الغدا وانا اقعد اتغدى مع ام زوجي بلحالها يسلمون علي ويهجون ما يقعدون مع العلم زيارتي مره بشهر واقعد ساعة واروح
اهديهم اشياء غالية اجيب لهم سلال حلويات ايام العيد ومايتكلفون يقولون لي شكرا
غريبين عجزت افهمهم
شالحل تعبانة عايشة جنبهم ولا كاني عايشة
والله اني احبهم بس هم مبعديني عنهم تماما ما تقبلوني كل شي رسمي معي لدرجة قاتلة وبنفس الوقت ما يستحون يتدخلون بخصوصياتي وهم العكس محافظين جدااا على خصوصياتهم ماعرف شي عن حياتهم