تعالو نتبادل نصائح استغلال هذي الايام ..

السلام عليكم ورحمة الله ..
كيفكم بنات حواء الله يسعدكم ويبارك لكم في حياتكم ويرزقكم من حيث لا تحتسبون ..
بإذن الله من بكرا بندخل بالعشر من افضل الايام و الرسول عليه الصلاة والسلام قال بفضلها ( ما العمل في أيّام أفضل في هذه العشرة»، قالوا: ولا الجهاد ، قال: ولا الجهاد إلاّ رجل خرج يخاطر بنفسه وماله فلم يرجع بشيء ) ..


القسم مليااااان مشاكل وهموم وكل وحده هنا لها همها اللي مثقل عاتقها ومضيق بالها ، دايما افكر ان الفرج يكون اقرب لنا حين يتلازم الدعاء والتقرب لله مع ايام فضيلة زي رمضان والان عشر ذو الحجة عشان كذا لازم نقوي من عزيمتنا وما نفوت هالفتره الذهبية اللي ما تتكرر كل شهر ، متحمسه لها كثييير اتمنى ربي يوفقني واياكم لما يحبه ويرضاه فيها ويكتب اعمالنا من اعمال المقبولين ..


امامنا ايام من خيرة الايام فيها التقرب لله اجره اعظم من اي وقت ثاني حتى ان هناك بعض الجمهور قالو ان هذي الايام افضل من العشر الاواخر من رمضان ..


فهنا دورنا نستعين بالله ونكثر من العبادة من صيام العشر كامله والذكر والقران والصدقة وتذكروا ان افضل الصدقات سقيا الماء ، والدعاء لازم نكثثثثثثف من الدعاء بهذي الايام المبروكة وخصوصا ((يوم عرفة)) ورد فيه حديث ان رسول الله صلى الله عليه وسلم قال: (أفضل الدعاء دعاء يوم عرفة، وأفضل ما قلت أنا والنبيون من قبلي لا إله إلا الله وحده لا شريك له.) .. ولا ننسى فضل صيامه وتكفيره للذنوب اللي هي سبب ضيقتنا بهذي الحياة .. وايضا ما ننسى كثرة التهليل والتحميد و التكبير فهي ثابته عنه عليه افضل الصلاة والسلام ..


**** هدفي من هذا الموضوع نتعاون ونفيد بعض وش اكثر شي تحرصون عليه هذي الفتره ! ، كيف جدول عبادتكم هذي الايام وكيف تستغلوها ! .. كل وحده هنا بالقسم عندها هم او رغبة تتمنى ربي يرزقها فيها ، خلي هدفك رضا الله عز وجل اول شي و الامر الاخر كثفي دعاء بهذي الايام الله يحب عبده اللحوح يحب يسمع صوت عبده بكثره ..
يارب اكتب لنا الخير والتوفيق والفرج والتيسير ، والشفاء لكل مريض ، و سد الدين لكل فقير ، والذرية لكل من يرغبها ، اللهم اغننا بحلالك عن حرامك و بفضلك عن من سواك ، اللهم لا تقبض ارواحنا الا وانت راضٍ عنا ، اسأل الله زي ما جمعنا هنا ان يجمعنا بالجنة بالفردوس الاعلى انتم و والدينا على سرر متقابلين وجميع المسلمين ، اللهم امين ..