- السلام عليكم ورحمة الله وبركاته
قبل لا ادخل بموضوعي أحب أشكركم اخت اخت على وقفتكم معي بموضوعي السابق والذي أبكتني ردوده اسأل الله لكل من كتبت لي وكل رائعة في هذا المنتدى ان لاتغيب شمس الغد الا وربي حقق لكم كل ماتمنيتم
ادخل بموضوعي
أنا بنت عمري 29 قريب ابدخل 30 كل عمري مانخطبت أبد لا صدفة ولا مزح ولاجد ولا حتى تلميح
أنا والله مو جيت لأجل المح انخطب او شي أنا جيت أقول كلام متراكم بقلبي ماعرفت لمن أقوله
واتساءل هل ممكن يجي يوم أنا أكون فيه زوجة وأكون عروسة وألبس فستان ابيض ؟
كل اللي اتمناه أكون عروسة وألبس فستان ابيض واسوي حفلةزواج مثل كل البنات ومثل ماتمنيت وكل صديقاتي وأحبائي جنبي.. ابي يوم أكون محاطة فيه بالورد الأبيض وكل من أحب فرحانين لي
أتمنى أكون زوجة لشخص صالح لي وصالحة له يكون لي مثل ماتمنيت ومثل ماتمناني .. أبي اجهز كل شي نفسي فيه .. ابي أكون مسؤولة عن بيت وأكون ام لاطفال وأغير روتين يومي
أنا مو بيدي شي واعلم ان كله رزق من الله وربي قادر يحقق كل ماتمنيت أنا بس مخنوقة
من أمس بدأت استغفار وصلاة على النبي صلى الله عليه وسلم بادمان وبدون عدد معين عندي شي داخلي وكله يقين أني قبل 1438 أكون ان شاء الله متملكة وابي استغل هالأيام الفضيلة وليلة ويوم عرفة ايضا وكل أوقات الإجابة
يارب
لاتنسوني من دعواتكم كل مااحتاج دعوة صادقة من قلب لاتنسوني كل ماصرت على بالكم ان يحقق لي امنيتي لو تعلمون مابقلبي لبكيتم ألما قبل قراءة موضوعي
أعطوني تجاربكم مع الاستغفار والصلاة على النبي يامن كُنتُم بوضعي
لاتنسوني لاتنسوني لاتنسوني
اللهم امين