ابغى اعرف انا ظالمة او مظلومة .. قصتي تعالوا احكموا

بسم الله الرحمن الرحيم
انا بقولكم قصتي وابيكم تحكمون هل انا ظالمة واتوب واستغفر او مظلومة وادعي الله ينصرني
أولا أنا زوجي توفى من خمس شهور .. قبل وفاته كان بيني وبينه مشاكل وكنت اكره بيتي وكرهته واهملت بيتي ونفسي المهم زوجي مات الله يرحمه وطلع انه قبل وفاته مشتكي لأخوه مني وعن تقصيري وانه كاره حياته مع العلم ان التقصير اللي بدر مني كان غصبا علي لأني اكتشفت على زوجي شيء وكرهته وماقدرت اسامحه وكرهت حياتي لدرجة اني صرت اخذ حبوب نفسية .. المهم بعد وفاته اهله كرهوني وحملوني اللوم واني نكدت حياته الكل صار ضدي ودخلوا بيتي بدون اذني واخذوا مواعيني لبيتهم وحطوها قدام الكل الرايح والجاي يشوفها وتكلموا فيني اني مهملة واني واني .... مع انهم مايعرفون ايش اللي بيني وبين زوجي ولا يدرون اني صبرت عليه وتحملته بعيوبه ولا يدرون عن ظروفي وطلبت الطلاق وزوجي كان رافض كل هذا مايدرون عنه اخذوا كلامه وشكواه عني وحملوني الذنب .. صرت منبوذة من الكل مدري انا ظالمة او مظلومة ابي اعرف عشان ارتاح .. المشكلة ما اقدر اتكلم ولا اقدر ابرر واوضح عيوب زوجي لأنه ميت والميت ماتجوز عليه الا الرحمة .. احس اني بموت من الهم والقهر .. نظرتهم لي ماراح تتغير اهل زوجي هم اخوالي وخالاتي وماعندي غيرهم العيد كنت في العدة محد فيهم جاء يعيد علي احس اني وحيدة مالي أحد .. اي وحدة بتكتشف شي على زوجها بتزعل وتخاصم وتعاتب لين مايتعدل وشي مو بسيط والله .. الله يغفر له ويتجاوز عنه ويرحمه .. انا حالي حال اي وحدة شفت عليه شي زعلت ماكنت ادري ان بيموت ولا ماكان سويت هذا كله
تكفون قولوا رايكم بس بدون تجريح ماني ناقصة اللي فيني مكفيني