Analysis Services
مرحباااا ....

لو سمحتوا انا ان شاء الله ابغى ابدى بالمضاربه...

فياليت تقولين لي احسن بنك من ناحيه السرعه في الشراء والبيع ....

افتح لي محفظه وين؟؟ وكم يطلبون مني مبلغ للمحفظه؟؟

وعل كل عمليه عمليه بيع او شراء كم ياخذون مني عموله البنك وهيئه السوق؟؟
28-12-1426 هـ, 05:55 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم ورحمة الله وبركاته
اختي زوجه وام اولا اذا كنتي مبتدئه لاانصحك بالمضاربه اليوميه لان الخساره فيها للمبتدين كبيره واذا تبغين تضاربين لازم تكونين فاهمه كل شي عن المضاربه وانصحك بالصناديق الاستثماريه
وانا خلال الاسبوعين اللي فاتوا كانت فكرة المضاربه معششه في مخي وبدخولي لبعض المنتديات وبعد المشاروه عرفت اني كنت غلطانه لاني مبتدئه والافضل دائما للمبتدين امثالي وامثالك هي الصناديق الاستثماريه وفعلا عششة في راسي واخذت اجمع المعلومات عن الصناديق من منتديات كثيره وهذه نصيحه لك ولغيرك من البنات ان الوحده اذا فكرت قبل ماتنفذ فكرتها تبحث وتستقصي وتتحرى عن موضوعها حتى تكون مفتحه بعد كذا وفاهمه كل شي عن فكرتها وبعدين احب افيدك عن اللي سائلتي عنه
اولا لابد ان تفتحي حساب في البنك اللي تبينه بالنسبه لي بنك الاهلي افضل شي وبعدين اذا عندك اكتتاب في الاهلي خلاص يصبح عندك محفظه جاهزه لان اللي ماعنده اكتتاب لابد ان يفتح محفظه ب50000 ريال خمسين الف اما اذا عندك اكتتاب في نفس البنك فانهم مايطلبون هذا المبلغ يعني تدخلين اي مبلغ عندك وبالنسبه للمحفظه في الاهلي عليها رسوم سنويه 700 ريال
ثانيا
اما الصناديق الاستثماريه فهي افضل واريح من المحفظه ليش لانهم يضاربون بدالك ويعطونك ارباح اسبوعيه ونهاية السنه اذا مااخذتي اي ربح فانه يتكون عندك مبلغ طيب
المهم الصناديق في الاهلي اقل شي تدخلين في الصندوق 5000 ريال خمسة الاف ريال وهو مبلغ بسيط ويمكن يصبح عندك نهاية السنه باذن الله 15000 ريال خمسة عشر الف ريال
وياخذون نسبه من الربح الكلي بمقدار 1.85 % نهاية السنه وماعليكي الا انك تعرفين سعر الوحده في البنك وكل بنك يختلف عن الاخر فالاهلي سعر الوحده 12 ريال وهذا اللي يتعاملون به في الصندوق يعني مثلا دخلتي خمس الاف ريال وكان سعر الوحده في البنك 12 ريال تقومين وتقسمين المبلغ على سعر الوحده 5000/12=416 وحده يعني اصبح عندك 416 وحده
ومثلا بعد اسبوعين اصبح سعر الوحده 14.5 في البنك فكيف تعرفين انك كسبانه تقومين وتضربين عدد الوحدات اللي في صندوقك في سعر الوحده اليوم
عدد الوحدات =416
سعر الوحده = 14.5
416*14.5=6032 ريال يعني كسبتي الف وعليها خلال اسبوعين من غير ماتضاربين وتحرقين اعصابك والصناديق اقل شي علشان تعرفين انك كسبانه تصبرين عليها 6 شهور
واتمنى اني ماادوختك والله العظيم قصدي اني افيدك لاني كنت في يوم محتاجه احد يساعدني ويشرحلي والله من وراء القصد واتمنى ان تدعيلي ان الله يرزقني بالوظيفه والذريه الصالحه واي استفسار انا مستعده اجاوبك على اللي اقدر عليه وبرحابت صدر قال رسول الله بمعنى الحديث( لايؤمن احدكم حتى يحب لاخيه مايحب لنفسه)
28-12-1426 هـ, 09:51 مساءً
 
السلام عليكم ورحمة الله وبركاته
جزاك الله كل خيرياأم عمر وربي من اول وانا ابغى اعرف كم لازم يكون عندي سيولة بالمحفظة (انا عندي محفظة بالاهلي وعندي فيها ا سهم الاكتتاب وابغى محفظة تداول وعلى بالي انه لازم يكون فيها سيولة 50000وما فوق وعشان كذا محلك سر ماني قادرة اروح البنك عشان يفتحولي محفظة تداول(لاحظي عندي حساب وعندي اسهم )بس غشيمة اتمققت عيوني وانا اقرا وعلى بالي شرط المبلغ للكل يعني خلاص حسب مافهمت من كلامك انه كل ماعلي اسويه اني اروح البنك واطلب محفظة تداول والرقم السري حقها صح ولا لا طمنيني عساني فهمت0
28-12-1426 هـ, 10:21 مساءً
 
اقتباس مشاركة  (شيمة)
السلام عليكم ورحمة الله وبركاته
جزاك الله كل خيرياأم عمر وربي من اول وانا ابغى اعرف كم لازم يكون عندي سيولة بالمحفظة (انا عندي محفظة بالاهلي وعندي فيها ا سهم الاكتتاب وابغى محفظة تداول وعلى بالي انه لازم يكون فيها سيولة 50000وما فوق وعشان كذا محلك سر ماني قادرة اروح البنك عشان يفتحولي محفظة تداول(لاحظي عندي حساب وعندي اسهم )بس غشيمة اتمققت عيوني وانا اقرا وعلى بالي شرط المبلغ للكل يعني خلاص حسب مافهمت من كلامك انه كل ماعلي اسويه اني اروح البنك واطلب محفظة تداول والرقم السري حقها صح ولا لا طمنيني عساني فهمت0
كلام سليم انا كلنت اليوم الهاتف المصرفي قال مافي شروط للتداول عن طريق النت بس رسوم سنويه 700ريال
28-12-1426 هـ, 11:58 مساءً
 


الساعة الآن 09:40 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏