اعملي عجينة العشر دقايق ..
وبعدها اعملي منها خلية نحل احشينها بجبن مثلثات ورشيها لمن تخلص بالعسل .. أو نفس العجينة سوي منها فطائر كرواسون بالجبن المثلثات.. ممكن تأخذيها معاك ..
09-12-1437 هـ, 04:02 مساءً
 
حلى كريم كراميل بالبسكوت😋😋
علبة كريم كراميل
علبة قشطة
3 كاسات ماء
9 ملاعق كبيرة حليب مجفف
فنجان سكر
ماء ورد على حسب الرغبة
بسكويت شاي ..
الطريقة
اول شي اعملي الكريم كراميل :
حطي على النار علبة الكريم كراميل مع الحليب المجفف وفنجان السكر و حطي عليه الماء وماي الورد وحركي ولمن يبدأ يستوي وطي على النار و حطي القشطة و حركيه لحد ما يشتد .. بعدها نجيب البسكويت بلليه بالماء أو حليب طازج وصفينه بالصينية وبعدها لما تبرد خلطة الكريم كراميل ضيفيها عليه ورشي على الوجه زعفران و مكسرات لو حابه وعلى الثلاجه .. ممكن تعملي كاسات صغيرة منه .. وهنا وعافية
09-12-1437 هـ, 04:50 مساءً
 
الله يعافيك ويشفيك وكل مسلم ان شاء الله والتونه ممكن تسوين منها مكرونه مكبوسه حمراء او سلطة المكرونه انك تسلقين مكرونه صغار قواقع اي نوع عندك مو طوال ولا اقلام اهم شي وتحطين الي تبين دجاج تونه مرتديلا هوت دوق وجزر مبشور وفلفل رومي مقطع صغار وذره معلبه او مجمده ومسلوقه وزيتون واخلطي في الخلاط عصير ليمونتين وملح وفض ثوم وزيت زيتون تقريباً فنجال قهوه واخلطيهم وصبيهم على السلطه
وأما الحلى سوي هالحلى مره سهل تطحنين البسكوت ناعم بكيت واحد اذا كبير اثنين اذا صغير وحطي عليه اصبع زبده مسيحه واعجنيها الين تطلع زي التراب المبلول الله يكرمك بعدها حطيه غي الصينيه في الخلاط كاس حليب بودره علبة زبادي فنجال سكر وتخلطينهم مع بعض واحطينهم على البسكوت وتكونين قبل مابدينتي مشغله الفرن بس من تحت وتحطين الصينيه وتخلينها بس تتماسك طلعيها وخليها على النار ظرف كريمه وكأس مويه وملعقه صغيره نسكافيه و تخليها الين تغلي وصبيها على الطبقه البيضاء وعلى الثلاجه
بسكوت مطحون ناعم واحد كبير مع علبة قشطه وأربع ملاعق فول سوداني وتعجنينها مع بعض وتحطينها في صينيه الطبقه الي فوق نوتلا تدهنينه على الوجه وعلى الثلاجه
خذي من لحم الضحايا والخضار الي عندك وسويها مرق ورشي فيها القرصان بموية المرق بعدها صفي الخضار واللحم
سوي اي عجينه تضبط معك ويعد ماتخمر احشي فيها الجبن المثلثات وسويها كور وصفيها في الصينيه ودخليها الفرن بعد ماتطلع من الفرن رشيها بالقرفه وتكونين مسويه خلطة الجبن والنستله الي هي جبن ونستله واخلطيهم في الخلاط وصبيها فوق الخليه ورشيهافوقها بعدين خطيطيها بالهيرشي
10-12-1437 هـ, 05:21 صباحاً
 
يعطييييكم اللف الف الف عااافيه
استتتفدت كثيرررر من اقتراحاتكم
جزاكم الله خير
11-12-1437 هـ, 07:20 صباحاً
 
اقتباس مشاركة  (شذى91)
اعملي مكرونة بالخضار اللي عندك او مكرونه بالتونة .. هنا مقترح للطبخ.. أسلقي المكرونة ..
قطعي بصلتين متوسطتين حمرينهم مع فصين ثوم.. حطي عليهم حبتين كبار طماطم مقطع مع حبة كبيرة فلفل رومي مقطع وخليه على النار لحد ما يتشوح شوي بعدها ضيفي عليه حبة كبيرةجزر مبشور خشن وقلبي ممكن تضيفن ذرة لو عندك او بازلاء خضراء أو زيتون مقطع و ممكن بعد بطاطس مسلوق مكعبات تضيفينه .. حطي عليه بهارات مثل القرفة والكركم والفلفل الأسود والسنوت ورشة هيل و كزبرة ناشفة وملح وخلي كل المكونات تمتزج زين وإذا حابة ضيفي صلصة طماطم .. هنا ممكن تستفيدي من التونة انك تضيفينها مع الحشو يطلع لذيذ..
بعدها تضيفن الخلطة على المكرونة.. والف صفحتين
ربي يعطيك الصحة والعافية يارب والف سلامة عليك اختي
والله يا شدى وصفاتك في الاول تشبه لحد كبير طريقتي في الطبخ وفي الاخر يختلفوا...
بطاطا مسلوقة مع معكرونة؟ ممكن و قرفة مره غريبة... كيف يطلع المذاق.
11-12-1437 هـ, 07:26 صباحاً
 


الساعة الآن 04:17 .