قابلت طليقة زوجي ..#

السلام عليكم ..
بدخل دُغري بالسالفه .. انا مطلقه وتزوجت ولد خالتي وهو كان متزوج بنت خالته بس انا وهي مابيننا قرابه أبداً ..
الموهم جا خطبني كذا مره بعد طلاقي وكنت ارررفض بحجة اني قد شفت زوجته عند بنات خالتي يعني قابلتها مرتين فقط وعلاقتنا مو قويه حنا وبنات خالتي أصلا يعني نشوف بعض بالسنه ثلاث مرات او اربع الموهم اتصل على امي وقال انا ابي فلانه ويحلف انه راح مكه عشان يستخير فيني بس وأخواته مدحوووني له الموهم وزوجته ذاك الوقت كان تبي تطلق ومتفقين على الطلاق بس يبغون ولدهم يخلص مدرسه لأنه على كلامهم انو 12 سنه موب مرتاحين وبس مشاكل بينهم وقال لأَمي انه كذا ولا كذا مطلق بس اسبوعين وتخلص المدرسه ويطلقها جا نظرني والله العظيم حسّيت براااحه عجيبه ووافقت اليوم الثاني سويت تحليل وبعد اربعه ايام تزوجت كان شرطي زواج عائلي .. ( ترى ولد خالتي ) عمري وحياتي ماشفته ولا اعرف حتى وجهه اللي اعرف انه تزوج وهو صغير وانه واحد ععصصصصصبي بسس .
ع العموم تزوجنا وخلصت الدراسه بعد زواجي بيومين قلت له اسمع بدل ما تطلقها خلها لعيالها وأصرف عليهم باللي يرضي ربي قامت هي قالت له لا مستحيل ابغى طلاقي وطلقها لين هنا مافي شي وحياتنا ححللووووه الحمدلله
قابلت طليقته عند بنت خالتي كانت نفاس انا سااكته أتحاشى المواقف جات جلست عندي قالت كيف حال فلان قلت لها ع اي اساس تسئلين قالت كيف بالله تغير معاك ولا عصبي والله العظيم انه موب عصبي وإني مرتاحه بس عشان ما تنقهر قلت لها عصبي وانه ما يتفاهم وكذا نيتي كانت سليمه عشان م أقهرها و بنفس الوقت خفت من العين الصراحه لان ولدها قال لها يا ماما بابا يضحك معاها ف السياره ويشغلون شيلات يعني عكس ما كان معها معصب ومتنرفز الموهم طلعت من عند اخته وكل واحد رجع بيته قامت إتصلت على زوجي وتقول له تبي مصروف لعيالها كلمتها قلت لها عندك شي دقي علي انا واعطيتها رقم جوالي وما تابت تتصل على زوجي ب استمرار وهو يكرشها وسوا في النهايه حظر لها قابلتها صدفه ب الأحوال وقامت ترفع صوتها وتقول حسبي الله عليك خليتي ابو عيالي يسوي لي حظر قلت لها ع فكرة طليقته ما تجوزين له وثاني شي هو اللي سوا لك موب انا وثالث شي هذا مو مكان تتناقشين فيه معايه وبعدت عنها وصارت تتكلم وانا مططططنشه ولا كأنها موجوده وللحين ترسل من ارقام غريبه انها ندمت وتبي يرجعها عشان عيالها ما يتشتتون الحين سؤالي ؟؟
لو كنتو مكاني أقنعه يرجع لها ولا خلاص مالي دخل هم أتفقو على الطلاق قبل م يعرف حتى وجهي احس ب تئنيب الضمير اني اخذت واحد عنده عيال ..
اللي بيهاجموني بقول لكم ترى ذَا نصيب لا انا ولا انتي ولا احد كاتب قدري غير ربي لا تقولو ليش من اول اخذتيه أعيد و أكرر هذا قضاء الله وقدره