اكيد يقيدونك بالذات اذا كنت حريصه كل الحرص عليهم في كل كبيره وصغيره
انا عندي في سن مراهقه واطفال وكل سن له متطلبات بس مايمنع انه الوحده ممكن تدور لها وقت لنفسها وعن نفسي اكثر وقت اروق فيه لما يكونو نايمين سواء بالليل او الصباح او حتى بعد مايروحو مدارسهم اروق مع نفسي شوي قبل لااقوم اجهز لهم الغدا
الاولاد مسؤوليه كبيره الله يعيننا عليهم ويرزقنا الحلم والصبر عليهم وعلى تربيتهم يارب

الاطفال مسؤوليه كبيره ويقيدون الام
تصير تطلع بهم وين ماتروح خاصه نفس اللي وضعي لااهلي قريب ولاخادمه ف الطلعه عندي صعبه البسهم واجهزهم والصغيره اجهز شنطتها واقعد اهجد فيهم الين ارجع الله يصلحهم معي ف كل مكان والمناسبات الكبيره اعتذر عنها بسببهم. لان اخر طفلين مابينهم الا سنتين ونص وتعببببت مره في تربيتهم. لكن الي تباعد بين الحمل مثلا 3 او 4 سنوات ويكون خادمه بالبيت هذي تكون اسهل بكثييييير من اللي ماعندها خادمه. جارتي عندها خادمه ماتاخذ عيالها تطلع للنادي وتمارس هواياتها وتروح عزايم ماتاخذهم ابدد.
ومرتاحه ماشاءالله عليهاا.

تقدر الواحده تمارس جميع هوايتها مثل ما كانت قبل الزواج في حال كان الزوج متعاون
فيتم تقسيم الوقت بين الزوج و زوجته غالبا انا عن نفسي وقت طلعاتي وقت العصر
يكون زوجي بالبيت مع الاولاد و مو لازم الطلعة كل يوم المهم يكون فيه وقت خاص فيك
و افضل الاوقات بعد ما ينامون الصغار اكون مروقة لنفسي (و الوقت هذا يكون ملكي)

وعلى العموم مجرد ما يكبرون الاولاد و يوصلوا لمرحة الثانوي يعود الزمن و ترجعي مثل ما كانت قبل
متفرغة في اوقات كثيرة لنفسها بعكس لما يكونوا صغار بالسن
طبعاً يكون انشغال الام باولادها وقت الوجبات و تطارد وراهم مثل وضعي ايش تبغون على الغداء و ايش حابين تتعشوا
اما غيره الحمدلله بدوا يعتمدون على انفسهم و مذاكرتهم بنفسهم الا اذا استعصى عليهم شي من دروسهم

وخذوها قاعده الاطفال اول ما ينتهي سنة الثالث ابتدائي خلية يعتمد على نفسه في مذاكره و حل واجبات
كل اولادي ماشيه معاهم على هذا النظام من اول ابتدائي و ثاني وثالث اكون معاه خطوه بخطوه
سواء مذاكره او حل واجبات اما اذا تخطى ثالث ابتدائي وصار في الصف الرابع
يكون هو مسؤال نفسه


و الله يصلح لنا ولكم الذرية و يحفظهم و يبلغنا واياكم برهم
ويرزق كل محروم بالذرية الصالحة

اكيد بيقيدون
الله يحفظهم
اللهم صل وسلم على محمد

اكيد تغير وقتي وقلت اهتماماتي ،،


كنت زمان في ليله اخلص كتاب كتابين الان كم صفحه وادور الوقت علشان اكمل الكتاب كاني في حرب 😂


الافلام والمسلسلات معد صار عندي وقت لها وصرت اشوف القراءة اهم من اني اشوف فيلم او مسلسل ،،


الرياضه بحكم انه اطفالي صغار مستحيل يخلوني اسويها فبعد ماينامون على طول رياضه ، بس لي فتره وقفتها لظروف والان احاول ارجعلها ،،


لما يكون عندك اطفال وقتك معد يصير ملكك خصوصاً لو انك حريصه على كل تفاصيلهم ، وماعندك شغاله تساعدك ،،


بس اهمالك لنفسك ماله مبرر ، جالسه احاول اعطي نفسي حقها من كل شي احبه وبعض الاحيان انجح وبعض الاحيان مااقدر ،،


والشياكه والاهتمام في جسمي واناقتي عندي اولويه مو شي ممكن اتنازل عنه او ماالقى له وقت ،،


وعموماً انا بيتوتيه وصديقاتي المقربات يااما مبتعثه او متزوجه في منطقه ثانيه ، بس احرص ويحرصون اذا جو عند اهاليهم اشوفهم ونتقابل ،،


الام المهتمه بنفسهاوهواياتها معادله صعبه بس مو مستحيله ،،
والدنيا بدون اطفالي ماتسوى في عيني شي الله يحفظهم ويبلغني فيهم ❤