صباح الخير حلوات

وين الردود. ولارد.

الف مبرووك اختي البسي احلى فستان ابيض وافرحي ليش لا واحمد ربك واشكريه وعيشي الفرحة وانسي كليا انك تزوجتي قبل واعتبري انك تتزوجي اول مرة واجعليها بداية جميلة والله يوفقك ويكتب لك الخير

المطلقة تفرح وتنبسط وتلبس فستان أبيض ما أشوف فيها شيء

وحبيبتي جهازك جهزيه كنك عروس ومثلك مثل أي عروس .

الله يوفقك ويتمم لك على خير .

نصئح عامة بالحياة .
اولا :_ اسرار حياتك الزوجيه لا تطلع عند أي أحد .
ثانيا:- اي مشكلة تصير بينك وبين زوجك لا تطلع عند أي أحد .
ثالثا :_ الزعل انتبهي تزعلين بشكل مستمر مع رجلك حتى ما يمل منك بسرعة . الرجال يحب البنت الثقيلة الراكزة العاقلة والفاهمة .

رابعا :_ اي خلاف يصير بينك وبين رجلك خليه لحد ما يهدأ وتفاهموا مع بعض .

خامسا :_ أنتي راح تتزوجين اذا كان لك شروط اشرطيها عليه بالعقد او حتى بينك وبينه حتى ما ينساها .

سادسا :_ اذا تبقين تكملين وظيفة او تعليم تتفاهمون من الأن عليه ولا تنسين الشهادة أهم شيء بالمستقبل .

سابعا :- السكن المستقل أهم شيء لأنه اذا سكنتي مع أهل زوجك بينشبون لك بمشاكل خلك مستقله عنهم وزيارات رسميه بكل أعياد او مناسبات لحد هم ما يتقبلونك ويعزمونك .

ثامنا:_ أي مشكلة تصير بينك وبين أهل رجلك بادري بأنك تصارحينهم وتحلون المشكلة واذا صارت مشكلة لا تزعلين وتتذمرين قدام رجلك مهما كان هم أهله وراح يقول وش ردة فعلك لهم .

تاسعا :- الرجل يحب المنزل نظيف ومرتب ويقى أكله جاهز فطور غداء عشاء لازم تعرفين وش يحب يأكل وحتى طبق الحلو .

عشرة :_ اذا مزح معك رجلك تقبلي مزحه بعض النسوان تقول مزح رجلها ثقيل مهما كان يبقى رجل ومزحه بيكون ثقيل .

احدى عشر :_ بيتك عطريه وبخريه الرجال يحبون البيت ريحته عطره . والجوال بعديه عنك الا للضرورة .

ملابسك واللوك حقك بعض الرجال ما يرضون تقصين وتصبغين شعرك او تطلعين السوق حتى لو مع هلك الا بأذنه وهو من حقه تستأذنينه .

غرفة نومك لازم تقفلينها اذا عزمتي أحد غريب وحتى لو صحباتك قصة تفرجهم على منزلك مو من حقهم حتى غرفة النوم او البيت ككل .

مقاضي البيت تكتبينهم لرجلك بورقة وتروحون مع بعض وتقضونهم .

لاتنسين تتفقين معه على مصروفك الشهري كم - والرجال ما يحب انه المرأة تسأله كم جتك زيادة بالعمل او اي شيء يرتبط بعمله .

لاتنسين تحصنين بيتك وتشغلين سورة البقرة دائما .

السيارة وسوقك يسوق لا تناقشينه او حتى لا صار بينكم مشكله لا تتجادلون وهو يسوق او تمسكين يده وهو يسوق او تخلينه يكلم الجوال وهو يسوق او انتي اذا مسكتي الجوال بحس انه سواق عندك وبيبدأ معك طبعا مو كل الرجال بها الشكل انتي افهمي شخصيته وتعاملي معه حسب شخصيته .




أهل رجلك حاولي تكسبينهم لأنهم بيكون أعمام وعمات اولادك وراح يحامون عنهم مهما كان فأكسبيهم من البدايه وعامليهم بالطيب مهما غلطوا عليك راح يعرفون خطأهم واستمري بزيارتهم اذا هم طلبوا او رجلك طلب .




الله يوفقك ويتمم لك على خير .

ماشاء الله ...ماخليتي ربي يسعدك