السلام عليكم ورحمة الله وبركاته

انا كنت نزلت قبل فكرة الصندوق اللي تقدرين من خلاله تسوين دخونج بالعطور اللي تبينها

والصندوق عباره عن كمية جاهزه من خلطة الدخون تكفي لاربع عبوات ومعاها اربع انواع من العطور المركزه او متوسطة التركيز على حسب اختيارج كل اللي عليج بس انج تتبعين التعليمات المرفقه مع الصندوق وراح تشمين اروع دخون من اختيارج


بالنسبه للصور انا اعتذر وبشده اني انزل اي صوره على النت لانه بصراحه انسرقت افكاري من قبل وهذا الشي ضايقني حيل بالرغم من تأكيدي الدائم اني لا احل من تنقل افكاري او تقتبس منها او تنسبها الى نفسها لا احلها الى يوم القيامه وانا جاده في كلماتي هاذي

عموما اللي حابه تحجز صندوقها الخاص تسجل طلبها هنا او ترسلي على الخااص لان الطلبيه بتكون على عدد الطلبات فقط

وياليت كل وحده بس تحدد اي صندوق اللي تبيه بالضبط



والحين خلوني احط لكم قائمة بعض العطور المتوفره

اسكادا
اسكيب
اميراج
مسك الورد
جفنشي
جوتشي
كوكو مودمزيل
كوكو شانيل
تومي جيرل
عطر البخور هذا ثابت في كل العبوات
مخلط عبير
مخلط شيخه
مخلط خاص
بربيز
باريس
جادور
بالاضافه الى مخلطات خاصه برائحة الفانيليا واللليمون بنسب مختلفه

هاذي كانت مجموعة العطور المتوفرة واذا تبين اي عطر ثاني ارسليلي وراح اشيك عليه اذا موجود من عيوني

وكل وحده تقدر تختار ثلاث عطور مختلفه تكون ضمن الصندوق بالاضافه الى عطر الدخون


الحين نجي لانواع الصناديق

الصندوق الاول هو صندوق الدخون يعني الدخون الاقراص او المبثوث او المكور
وهذا يحتوي على كمية من الدخون تكفي لاربع عبوات + اربع انواع مختلفه من العطور مع امكانية خلطهم
+ اربع عبوات للدخون + نشرة داخليه توضح طريقة الاستخدام للوصول لافضل النتائج

هذا فيه منه نوعين النوع الاول المركز جدا وهذا قيمة الصندوق 300 درهم

صندوق متوسط التركيز وهذا قيمته 250 درهم

صندوق تركيزه اقل وهذا ب 180 درهم


هذا بالنسبه للدخون العادي المكور او الاقراص او المبثوث

الصندوق الثاني وهذا يجي فيه كمية تكفي لثلاث انواع من الدخون الاقراص او المكور او المبثوث بالاضافه الى كمية تكفي للدخون السائل يعني 3 عبوات دخون اقراص وعبوه وحده دخون سائل

وهاذي يجي فيها اربع عبوات + خمس عطورات مركزه اثنين منهم للدخون السائل وتقدرين تتحكمين انتي في اللي تبينه + كمية تكفي للاربع عبوات من الدخون+ نشره داخليه


وهذا الصندوق سعره 300 درهم


الصندوق الثالث هو صندوق الميكس وهذا الصندوق فيه عود + دخون

وهذا عباره عن كمية تكفي لثلاث عبوات من الدخون
وكمية من العود تكفي عبوه واحده من العود المعطر الجاهز لاضافة عطرك المميز

وهذا الصندوق يحتوي على ثلاث عبوات للدخون + عبوه مميزه للعود المعطر مزينه وفي زجاجه جذابه + عطور مركزه تكفي للكميات الاربعه + عود كسرات + نشره داخليه توضح طريقة العمل والاستخدام
كما يمكن خلط العود الكسرات مع الدخون لتتكون رائحه اقوى وكل شيء موضح في النشره

العبوات الخاصه بهذه المجموعه مميزه 2 عبوات للدخون العادي + عبوه مميزه في حالة الرغبه في خلط العود مع الدخون + عبوه للعود المعطر


وهاذي المجموعه سعرها 500 درهم


طبعا الصناديق الثلاثه مميزه والكميات تكفي لما يقارب الثلاث شهور او اكثر على حسب الاستخدام


مع العلم انه في صندوق خاص للعروس وهذا يجي بس طلبيه وسعره 1000 درهم

اللي حابه تطلب الصندوق تسجل طلبها من الحين حتى احصر الطلبات واقدر ارسلها كلها مره وحده

واي ملاحظات على الصناديق انا حاضره ومستعده اتقبلها

وان شاءالله بتعجبكم لانها اعجبت اللي خذوها مني من الاهل والمعارف جدااا

وان شاءالله بعد ما اخلص هالطلبيات راح انزل لكم صناديق العطور وصناديق الكريمات والجل وهي تقريبا نفس الفكره وراح انزل الاسعار ان شاءالله




اتمنى تكون افكاري عجبتكم

وان شاءالله راح يعجبكم ذوقي في اختيار العطور واكون ساعدت البنات في اختيار شيء مميز فيهم


وياهلاااا ومسهلااا
29-12-1426 هـ, 12:02 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
فكرتج روعة ما شاء الله

حلو ان الواحد يصنع دخونه بنفسه ويتميز فيه

ربي يوفقج دايماً آمين
29-12-1426 هـ, 12:13 صباحاً
 
السلام عليكم

فكره حلوه..
بس يا ربت الصور عسب نعرف ونفهم اكثر..
ويزاج الله خير الغاليه
29-12-1426 هـ, 12:39 صباحاً
 
جنان

تسلمين والله على مرورج الرااائع

وكلماتج العذبه
29-12-1426 هـ, 12:43 صباحاً
 
هلااا اختي العنااا

السموحه منج يالغاليه ما راح اقدر انزل صور الصناديق والاسباب وضحتها في كلامي فوق


اسفه والله بس انا وضحت ان الكمية تكفي اربع عبوات وتقريبا لمدة 3 شهور
29-12-1426 هـ, 12:44 صباحاً
 


الساعة الآن 05:19 .