بنات كيفففففففففففففففففففففف الحال وش اخباركم
بنات ايش اقولكم بس انا مقهوره من سالفه الاسهم وودي اشارك بس فيه معوقات وابيكم تحلونها لي اهلي مو راضين يشاركون بالاسهم مع هالعالم وانا ماعندي حساب بالبنك ولابطاقه احوال شوفولي حل
السؤال الاؤل : ماهي الاشياء الاساسيه عشان اشتري اسهم وشو المطلوب لاتقولون حساب بالبنك والله مقهوره ......ز
وسؤالي الثاني : هل فيه بنك يفتح حساب للتداول بدون شرط وجود حساب جاري؟؟؟؟؟؟؟؟؟؟؟؟ هذ ا الشىء الي قاهرني

وسؤالي الاخير لو ابي اوصي احد يشتري لي سهم من اقاربي وش الاوراق المطلوبه عشان يشتري لي سهم ؟؟؟؟؟؟؟؟؟؟؟ بنات والله اكتب لكم الموضوع وانا مقهوره ساعدوني ارجوكم
حبيبتي، لا تضيقين صدرك، اذا عندك فلوس وفيه احد تثقين فيه يشتغل بالاسهم اعطيه يشتغلك فيها..

واذا قدرتي تفتحين لك حساب خاص (مو شرط يكون معك بطاقة احوال دفتر العائلة مع الجواز او محرم معرف لك) كافيه لفتح الحساب، واشتغلي فيها بنفسك

واذا قصدك اكتتاب برضه افتحي حساب وعادي اكتتبي بنفسك
اختي لازم يكون عندك حساب في البنك ومبلغ معين..مثلا سامبا الحد الادنى 50 الف .. اتوقع .. مافي شي اسمه تشترين سهم!!! ..
انصحك في البدايه اكتتبي في الشركات اللي تنزل بين فتره وفتره..مثلا زي ينساب السهم كان ب 50 ريال والحد الادنى 10 اسهم ب 500 ريال.. بس حتى الاكتتابات لالالالالالازم يكون عندك حساااااااب ضرووووري.. احكي مع اهلك وحاولي تقنعيهم.. وبالتوفيق يارب..
لا اله الا انت سبحانك اني كنت من الظالمين
>>>مجروحه<<<

هلا بك حبوبة
عيوني شوي شوي الواحد يتعلم لا تزعلين يا عسل
انا مثلك جديدة وباذن الله الايام الجاية بفتح محفظة وطبعا اعلم الكل
عشان تستفيدون من تجربتي

مثل ما قالو لك البنات اول شي لازم يكون عندك حساب بالبنك ( اي بنك تحبين )
+ صورة من بطاقة الاحوال او صورة من جواز سفر ساري المفعول او معرف يعرف عليك عند قسم الرجال ومعه بطاقة احواله وانتي طبعا معك دفتر العايلة الاصل

فتحتي حساب حلو .. الحين الاسهم تمتلكينها بطريقتين : يا انك تكتتبين بالشركات ( ينساب وكيان وغيررها ) وطبعا لازم تنتظرين وتتابعين الاخبار عشان تعرفين متى هالشركة مثلا تطرح اسهمها للاكتتاب ..
الطريقة الثانية عشان تمتلكين اسهم انك تفتحين محفظة تداول عن طريق النت ( هذي معناها انك تشترين انتي بنفسك اسهمك وتبيعينها ( مضاربة ) وانتي ببيتك جالسة على النت وطبعا ياخذ البنك عمولة سنوية عن المحفظة اضافة الى 15 ريال عن كل 10 الاف ريال تشتغلين فيها يعني اذا شريتي وبعتي وشريتي وبعتي وهكذا ووصلت قيمة الاسهم الي شريتها وبعتيها الى 10000 خذو منك 15 ريال عمولة )
او ممكن تفتحين محفظة تداول وتشترين اسهم وتبيعينها بصالات البنوك ( مضاربة )وهذا معناه تروحين يوميا او اسبوعيا للبنك وتجلسين وتتابعين الاسعار على الشاشة وتطلبين من الموظفة تنفذ لك اوامر البيع او الشراء ( وعلى فكرة اوامر البيع والشراء ياخذون عليها عمولة بعد الظاهر ربع ريال عن كل عملية )

طبعا لا فتحتي حساب وبعده محفظة تداول لازم يكون معك رصيد شوي معقول يعين لو مجرد 3000 ريال عشان تشترين بها اسهم وتبيعينها

بخصوص البنوك انا من يومين مكلمة البنك الاهلي
فرع الناصرية وقالو لي فتح محفظة التداول عن طريق النت بدون مبلغ عادي
وطبعا بتاكد من هالشي بنفسي وبروح افتح عندهم واشوف

وبخصوص المضاربة لازم يكون عندك خلفية وعلم ودراسة عشان ما تخسرين المبلغ الي تبين تستثمرينه ... انصحك تشوفين المواضيع الي بالقسم هنا
واتمنى الشرح يكون واضح
ودمتي بود
ياليت تعلمينا اختي نبض الوفا وش صار على الاهلي

عشان نتشجع ونروح تفتح عندهم حساب
الله ييسر لك


الساعة الآن 05:36 .