ابي مشورتكم بمشاكلي مع هالزوج

الأسرة والمجتمع

السلام عليكم
اسعد الله صباحكم بكل خير
اخواتي انا من اللي يقرا لعالم عالم بدون تسجيل وقلت ابكتب هنا مشكلتي لعلي اجد رد من الحكيمات
انا متزوجة لي سنتين ونص وعند طفل وعندي مشاكل مع زوجي مره كثيرة ..
هو شخص بصراحه مايعجبه العجب وعصبي وعلى قولة امه لي" الله يعينك عليه"
طيب ليه زوجتوه ..مشاكلنا على كل شي غيور يحب ينتقدني على كل شي والحمدلله محافظ على صلاته ومرات يصير طيب
بس و فايدة الطيب اذا كان بوقت الهواش عصبي
وشخصياتنا عكس بعض انا باردة ما اعصب بسرعه وهو مرره عصبي لكن ما يضرب
كنت اهتم بيتي وبنفسي وبطفلي ويوم كثرت انتقادته اهملت بصراحه لانه اذا كان البيت نظيف يمكن يهاوشني على النملة ليه تمشي بالبيت هو ماعنده وسواس نظافة بس يحب الهواش والعصبية ودايم يقول انتم يالحريم تحبون تركبون فوق راس الرجال واعصب منه مره اقوله انا ربي ثم الاسلام كرمني ما تجي تهينني انت
واذا تهاوشنا صار يقول يالخبيثة يالنذلة والنجسة
وطلاقني مرتين اهلي واهله كلمهم يقىلون ارجعي له ياما حريم جلسو مع ازواجهم بطلقة وحده
وكل مره طلقني باسباب سخيفة

انا مو قادرة ولا احس احد بيفهمني احس انه شخص ماله امان وان الرجوع له مجرد مضيعه لحياتي وبس
ابي منكم توجيهات كيف اعيش معه ومحد مقتنع انه خلاص يطلقني الثالثة وارتاح.. صح ان المطلقة في بيت اهلها شوي تتعب ومعي طفل الله يهديه يحب يحوس لانه بعمره راعي حركة كثيرة واكتشفات وانا ماعندي دخل استفيد منه او موظفة فأنصحوني تكفون وش اسوي علموني ابدا من جديد والا كيف
انتظر ردودكم يا اخوات
وجزاكم اللع خير
6
1K

يلزم عليك تسجيل الدخول أولًا لكتابة تعليق.

تسجيل دخول

Nadine Abdulaziz
Nadine Abdulaziz
الله يهديلك إياه
ويصلح الحال بيناتكم
الحمد لله 💗💗
الحمد لله 💗💗
الله يفرج همك حبيبتي


إذا كان ندمان إرجعي بشروطك اللي تريحك
مثلا ما يتدخل فيك بشؤون البيت و لا يهينك و يكتبلك مؤخر كبير في صورة ما فكر في الطلاق
حتى يعرف إنو الطلاق مو لعبة و إذا عصب طلق
و استخيري الله
الله يصلح حالك و يختارلك مافيه الخير لك
عين جارية
عين جارية
المهم ادرسي كملي دراسة او ابحثي عن وظيفة دوري سند لك غيره وتفادي مسببات الطلاق الا اذا هو يطلق باسباب سخيفة هنا محد يقدر يرده لانه مب قد مسؤولية الزواج الله يفرج همك ياختي ويعينك
دلووووعه و ذووووق
طيب ي اختي كل واحد وقت الخصام يعصب وكيف تقولي عن نفسك انك بارده وهو يستفزك بالكلام ،، انصحك تبدأي من جديد ماني شايفه مشكله تستدعي الطلاق ولايزينه لك الشيطان تري الطلاق مر ماتحسين فيه الا بعد مايطلقك وتنفصلوا
طبعا اسباب طلاقك السابق تحدد موقفك اكثر..
عذبتني جروحي
عذبتني جروحي
جزاكم الله خير للي ردو
هو من الاول مو واضح بمشاعره ..يعني ماراح يعبر لي انه ندمان .. "بس اللي عرفته من امه يوم كانت تكلمني يقول لها اكيد هي خلاص ماعاد تبغاني وامه تحاول تقهم لا "
واذا على الشروط حطيت يغير الشقة قال صعب وسالفة ابي مصرف لي ولولدي وقال ابحاول
يعني انا عارفه معه مافي اي ضمانات الا من ربي العالمين
وكل اسباب طلاقه تافهه الطلاق الثاني "تناقشنا بسالفة تخص اخوياهوانه ما يبيهم خلاص وهو عارف لو قطعهم انا ابفرح لاني ما حبيتهم وتحولت السالفة عنده لشي شخصي وكاني عدوه له واحاول ابرر له وتركته وجلست مع ولدي بالصاله وهو راح يصلي ورجع ويشوفنا وصار يهدد بتندمين وبدون سبب يعني نقاش يتحول لتهديد سكت عنه قال قومي ضفي عفشك وانقعلي لاهلي"
وشلت اغراضي واستخرت ووداني لبيت اهلي وبالسيارة طلق
وعجزت افهمه واحاول اخليه يلقى كل شي بالبيت زي مايبي بس مايرضى مليييت .. مدح او ثناء مستحيل اسمع منه انتقاد حتى لو انتقاده مو في محله بس كذا ابنتقدك
وانا مخلصه دراستي الجامعية والحمدلله بس مايقبل ان الحرمه تتوظف .. المشكلة بالطلاق الاول كلمه اخوي وهات ياكلام وانه وش قصرت عليك اختنا قال ولا شي بالعكس ماشفت منها الا كل خير
وبعدين كانه تندم يوم قال لاخوي كذا وصار بس ينتقدني ويحط اللوم علي بكل شي علشان يحسسني ان الخطا مني مدري هذا تفكيري بصراحه
هذا شلون ابفكر ارجع احمل منه والا استقر وانا مو مرتاحه