السلام عليكم ورحمة الله وبركاته

بنات الله يجزاكم خير اللي تعرف شي عن عملية ربط عنق الرحم تقولي عنها
يعني مثلا اسبابها وسلبياتها وايجابياتها والفايده منها يعني كل شي قولووه
والعمليه كيف بنج كامل ولا نصفي ؟؟ وكم تستغرق من وقت ؟؟ وهل فيه آلام بعد العمليه ؟؟ وهل فيها جلسه بالمستشفى ولا كيف ؟؟ بلييز محتاره ياليت تفيديوني
ومتى يفكونها ؟؟ وياليت اللي عندها صور عن العمليه او شي يخصها تنزلها بعد
واكون شاكره لكم من كل قلبي ودعواتي لكم بالسلامه والعافيه ياكريم

هدة العملية تسةى فى الاسبوع 12 من الحمل
للحالاتالتى سبق لها الاجهاض نتيجة توسع فى عنق الرحم
وتسوى تحت بنج كامل ويمكنك المكوث يوم او اثنين فى المستشفى
وتزال فى بدايه التاسع
وشكلتها انها تسبب التهابات نتيجة وجود الربط
حبيبتي لاتخافين.. ولاتحاتين.. انا هذي المره الثالثه اسويها ..
واعرف كثيريسونها ..وسببها؟؟اني أجهضت مرتين على بداية الشهر الخامس

وبعدها ..قرروا لي عملية الربط في كل حمل لان عضلات عنق الرحم لاتتحمل
الطفل اكثر من اربع شهور ..يعني اذا بدأ يكبر.. ووزنه يزيد ..

والجماع على كلام الدكتوره بالراحه وممكن كل اسبوعين مره ..

والعمليه بنج كامل ..وانا في غرفة العمليات هم يعطوني ابرة البنج وانا اطالع
الساعه قدامي وادعي كانت 12 وثلث وماحسيت الاوهم ينادوني باسمي( )
والساعه اشوفها 1 وعشر ...

بعد العمليه ينزل عليك دم شوي ولمدة يوم او يومين ويروح ...انا دخلت المستشفى
الساعه 9 الصباح والعمليه بنفس اليوم وطلعت من بكره العصر ..
والربط يفكونه في بداية الشهر التاسع بس بدون بنج اتمنى اختي اني افتدك
الله يثبت حملك ويقومنا بالسلامه وجميع الحوامل يارب



كـــــن جميــــــلا ....... ترى الوجـــــود جميلا

الدكتورة أمينة مختار الله يجزاك خير على الرد ويجعله في موازين حسناتك

عيوني ألجوري كلامك مطمن بعض الشي لكني الى الان متردده
بصراحه انا مستحيل اسوي حاجه عارفه انه راح يكون فيها الم
بعدين شلون اجازف بعمري يصير لي التهابات ويقررون ربط في كل حمل
ووشلون بتحمل الالم اذا جو يفكونها بالتاسع يوووووووه صعبه بالمره
عموما الله يجزاك خير وييسر امرك وينولك اللي ببالك دايما

غريبه وين البنات معقوله مافيه غير الجوري مجربه هالعمليه ؟؟؟؟
أختي الجوري وبعد العملية إلى التاسع راحة تامة ولا عادي تروحين الدوام وتتسوقين أم تنسدحين لحين الولادة لاني بسويها ان شاء الله وأنا عايشة بغربة ومامعي أحد يخدمني
ماشاء الله تبارك الرحمن


الساعة الآن 08:45 .