رأيكم بإنجاب طفل ثاني

الأمومة والطفل

بأدخل بالموضوع على طول
أنا ولدي له سنتين وشهرين
والحمدلله فطمته من الرضاعة والحمام يتعلم شوي شوي ماحبيت أشد عليه مرة قلت باقي معنا وقت وكمان الشتاء جاي فما استعجلت عليه
وألحين أفكر أجيب أخ لولدي
بس خايفة لأن ولدي ما شاء الله عليه حركي مرة
أتعب معاه وأنا لحالي ومرتاحة فكيف لو أحمل وأجيب طفل ثاني بيصير الجهد والتعب أكثثثر وخصوصا أنه حررركي
فكرت بالطفل الثاني لأن الاغلب ينصحني أجيب عشان ما يكون فارق كبير بين أول طفلين وكمان عمري 26 يقولون أجيب وباقي صغيرة وأتحمل وكذا وكمان أنا أخذتها من منظور يكون مع ولدي أخ قريب من عمره مستقبلا يلعبون سوا ويفرحون ببعض
لأن ولدي من النوع المحب جدا للعب والمشاركة ويطففففش لحاله مرة ويستانس اذا رحنا لأحد والا أحد جا عندنا وأحزن فيه وأحيانا أقول يمكن زيادة حركته من الطفش يقوم نطط ويزعجني
فأنا ألحين أبي آراءكم خصوصا اللي مرت بنفس وضعي وعندها ولد مثل ولدي خصوصا انه البكر يعني مافي احد قبله يساعدني وكذا


وشكرا لكم مقدما
17
1K

يلزم عليك تسجيل الدخول أولًا لكتابة تعليق.

تسجيل دخول

ndoo000098
ndoo000098
والله ياقلبي هالموضوع مااحد يقدر يفيدك فيه انتي اعرف بنفسك وقدرتك النفسيه والجسديه والماديه ...بس لو انا مكانك اصبر شوي الى مايكمل 3 سنوات اريح لي واسهل ...الله يكتبلك الي فيه خير وصالح
قدري سيصبح جميل
قدري سيصبح جميل
انتي ادرى لك حيل ب اثنين ! بتقومين بواجباتك ع اكمل وجهه ؟
انا براي لا والف لا
طفلك توديه عند اي احد ملاهي اطفال ويتسلى سالفه انهم يكبرون سوى يلعبون سوا مادخلت مخي متخيله كيف يومك بيكون بتطاردين ورى ذا وذا
خليه يكبر افضل
مشمش الشرقيه
مشمش الشرقيه
والله ياختي هالسؤال محد يقدر يجاوب عليه غيرك لان الحريم مو مثل بعض يفرقو بقدراتهم سواء النفسيه الماديه في البعض تقدر وتتحمل لو 3 ورا بعض وخدامه وعادي والبعض مستحيل اقل شي 3 الى 4 سنوات حتى مع وجود خادمه للبيت
بس بالنسبه لي انا اشوف سنتين لسه صغيير اقل شي يكمل 3 سنين او يدخل روضه 1 وهو اول طفلين حلاته مايكون فرق كبير بينهم لكن اللي بعدهم عادي
الله يحفظه ويكتبلك اللي فيه الخير يارب
ام سلمان آل عوده
بناتي جبتهم ورا بعض يعني حملت ب الصغيره وعمر الكبيره 9 شهور وكنت بداية حملي بالثاني ابكي م ابغاه بس الحين والله اني اقول الحمدلله .
بنتي الثانيه الحين عمرها سنتين و6 شهور افكر بيني وبين نفسي اذا قفلت 3 سنين احمل ..والله الموفق ❤
الأميره جوري
الأميره جوري
انا حملت بعد الاول وعمررره 5 سنوات وشووي صح انه كان يطفشش ويمل لوحدده بسس ماشاء الله اخته الحين كبررت في السنتين وصاروا مع بعضض ويسلون بعض .. ترجع للقدرات مثل ماقالوا الاخووات اذا عندك طووله بال ووتتحملينه اووو لا