ph.mooona

ph.mooona @phmooona

محررة ذهبية

اللي عندها طفل سكري تفيدني بالاعراض اللي عند بنتي

الأسرة والمجتمع

  • صباح الخير
  • ماطول عليكم اللي عنده طفل سكري ابيها تساعدني
  • بنتي 3سنوات ونص عندها كثرت تبول من ثلاث اشهر او اكثر ورغبه في شرب الماء
  • لاحظت انها تطلب الحمام كثير مرره مرات خلال ساعتين اوديها مرتين الى ثلاث 4 مراات ومرات لا اقل
  • الليل تبول لا يرادي معا اني اكون موديتها الحمام قبل تنام ارجع بعد ساعه ساعتين احصلها متبوله
  • شرب الماء احيانا تقوم من النوم تطلب ماء وترجع تنام ومرت لا يعني تصير قليل اثناء النهار مانتبه لشربها كثير لانها تشرب بنفسها اذا صاحيه
  • يجيها جفاف بالجلد بذات منطقة البطن
  • البنت هزيله نحيفه وهي عندها قابليه للاكل
  • السؤال هل ممكن تكون مصابه بالسكري الله لا يقدر ؟
  • هل هذي نفس الاعراض اللي لاحظتي ع طفلك
  • حجزت موعد السبت ولكن مدري اخذها صايمه عشان يعمل تحليل او افطرها ؟
16
7K

يلزم عليك تسجيل الدخول أولًا لكتابة تعليق.

تسجيل دخول

Nadine Abdulaziz
Nadine Abdulaziz
إن شاء الله اللي عندهم طفل مصاب بالسكري يفيدوكي
الله يطمنك عليها ويحميلك إياها
أرجوان المدينه
أرجوان المدينه
ولدي عمره 8سنوات يتبول بالليل رحت لدكتوره قالت جيبيه صايم الصباح احلله عن السكر
ودي اتطمن عليه واسوي تحليل ان شاءالله مافيه غير العافيه يارب
اما بنتك أحسه عادي توها صغيره واذا تشرب الماء كثير يسبب كثر التبول عندي طفل بعمرها أعلمه الحمام يسوي نفسها
دعواتك
ليمونيتا
ليمونيتا
ولدي جاه السكر فجأه الله يشفيه عمره 9 سنوات نفس اعراض بنتك بس اذا أكل على طول يستفرغ انتبهي لبنتك لا تدخل غيبوبة سكر ولدي دخل بس الحمدلله بعد عناية الله انقذناه بسرعه وتنوم 11 يوم في المستشفى وصار ياخذ ابر انسولين اذا عندك جهاز تحليل في البيت حللي لها او وديها اي صيدلية حتى لو ماكله عادي لأنه ينعرف اذا مرتفع
وقدامها العافيه يارب وطمنيني
مموودي
مموودي
ان شاءالله بنتك مافيها الا العافيه .. لكن كحرص لازم تودينها المستشفى ..
اختي كان عمرها 4 سنوات جاها سكري فجأه كانت نفس الاعراض .. وحتى انا لاحظت .. لكن مااهتمو فيها
لين تعبت وطاحت وتنومت بالمستشفى اكثر من اسبوعين .. الله يشفيها يارب ..
صفااء'
صفااء'
الله يطمنك عليها