كيف ؟!!

أهلين فتيات آنسات سيدات
عندي مشكلتين ابيكم تساعدوني فيها 😦 طبعاً مو مشكلة اجتماعية 😂المهم ... نرجع للموضوع
المشكلة الاولى .. صلاتي صلاتي علاقتي معها مضطربة وعشان اوضح اكثر لمن اجي اصلي صلاة العشا مثلاً يجيني شرود ذهن فمدري صليت العشا ولا المغرب فأسجد سجود السهو. ولمن انتهي من صلاة العصر مثلاً يجيني حالة نسياااان 😢😢واقول لنفسي انا صليت العصر ولا الظهر فأرجع لسجود السهو 😩😩
وكمان في حالة اخرى للصلاة اللي هي متعبتني لمن انام في وقت متأخر يعني على وحدة او اثنين الليل احط المنبه قبل النوم على 4 الفجر عشان اقوم ولااقوم ويغلبني النوم ونفس الشيء بعد ما ارجع من المدرسة واصلي الظهر وانام بعدين ما اقوم على المغرب ويكون فات وقت صلاة العصر فأنا الصراحة نوامة وتغلبني النعاس وفي حالة ثانية لمن اكون تعبانة من درج البيت ومن شرح المعلمات في المدرسة ااجل صلاة الظهر بعد النوم وفي حالات كمان مع علاقتي بالصلاة الله ينصرنا على الشيطان ويرفع عنا الأذى وهذي يبغالها موضوع ثاني وانا ابغا اختصر الموضوع.
كمان اخواتي انا اعاني من الوسواس القهري بس الحمدالله فالوضوء على خفيف اتأكد اني توضيت كويس واحاول ان اتجاهل هذا الوسواس والحمدالله ماشي الحال بس هذا الوسواس متعبني في الأشياء الذي اسأل الله ان يعافينا من كل مرض وابتلاء
المشكلة الثانية : لمن اجي ادعي لربي ادعي له وانا متيقنة لأني ابغاه يكرمني واحس هذا نفاق وهذا الشيء مأنب ضميري والمشكلة احس استغفر الله مو واثقة بعطاء ربي لي
... وخلصت المشاكل 😊
والسؤال الذي يبادر ذهني ...
كيف اثق بربي ثقة تامه ؟؟
وكيف اقوي ارادتي وعزيمتي في الصلاة .؟؟!