• السلام عليكم '
مساء الخير حبيباتي 😍
اليوم جايبتلكم طريقة للناقيت بس بطريقة صحية ولذيييييذة ما راح أطول عليكم ..
نجيب صدور دجاج طبعاً بدون جلد ونقطعها من النص وبعدها نقطعها مربعات حجم وسط عقب نتبلها كل وحده تتبل الدجاج بالطريقة اللي تحب عني انا أفضل تتبيلة للدجاج أحط فنجال قهوه صويا صوص معتدله وبنفس الفنجال زيت زيتون شوية ملح لان الصويا معتدلة فلفل اسود كمون بودرة ثوم وبودرة بصل ونخلي الدجاج يتشبع بالتتبيلة بعدين ناخذ كورن فليكس ونطحنه طبعا ما يكون ناعم ويوصل درجة البقسماط لا يكون اخشن وحطيت مع الكورن فليكس شووووية ملح وبابريكا حمراء وفلفل اسود وبودرة ثوم طبعاً كلها شوي حق ان الطبقه يكون فيها نكهه بعدين نجيب الدجاج ومن التتبيلة للدقيق ومن الدقيق للبيض ومن البيض للكورن فليكس ومنها على صحن الفرن طبعاً نكون داهنين الصينية زيت ومحمين الفرن على 180 مئوي وبعدها ندخلها الفرن من 18 لـ20 دقيقه وبالعافية


جربوها وان شاءالله تدعون لي وياليت تقولون لي تجاربكم ☺

سبحان الله وبحمده سبحان الله العظيم 🌸
تستحق التجربه شكله بتطلع لذيذه
احب الأكل الصحي تعبنا من المقالي .. ان شاء الله أجربها
شكرًا عالوصفة
ويعطيكِ العافية


الساعة الآن 03:37 .