مدري انا عن نفسي لو صار لي هالشي
مستحيل ارجع مثل قبل
يعني حتى لو ماابغى اقطع علاقتي معاها
فماحتواصل معاها الا كل كم يوم
ومستحيل ارجع افتح قلبي ليها بتكون سوالفنا عادية
كيف حالك واحوالك وخلاص

اتركيها هالفترة وصرفيها عشان ماتعيد عالكلام حسسيها بغلطتها عيب والله كلامها يقهر

من كثر مواقف الصديقات صار ماعندي علاقات نهائي موجودات في سناب فقط شكليا .. صديقاتي امي واختي فقططط هم اللي قلبهم علي ومستحيل مستحيل يتغيرون علي او يقصدون يزعلوني والشكوى دايما لله وعندك المنتدى احنا صديقات نشكي لبعضنا لا تتعلقين بشخص وما تتوقعين منه الاسوأ الا امك او ابوك او احدى اخواتك .. لا تتتعبين نفسك عشان احد وتتوقعين يرد لك الجميل ولا تهتمين بزيادة عشان لا تنصدمين ..

شوفي هي من ناحية صدمة فهي صدمة قوية كلامها ... بس انا مره اعذرها .. اختي مثلها كانت تعبانه ومع التعب الجسدي جاها زي الاكتئاب وكل يوم كانت تشكي وتبكي تبكي يوميا ..
حمدلله هي طيبة الحين بس خلاص ماتبي تسمع اشياء سلبيه ابد .. يعني لدرجة لو خبر فيه قتل واموات شي يضيق الصدر ومرض ماتحب تسمعه تتوتر مره .. لو حرمه مريضه وقعدنا نسولف عنها تقول لاتسولفون بهالاشياء مره تخاف
انا حاسه فيك هي صدمتك صدمة قوية بس البنت حالتها غير هي كان معها اكتئاب وتعاني من الاكتئاب فطبيعي مريض الاكتئاب يشرح همومه ويبكي لازم يشارك احد بالي جواه يحس انه بيموت فيقوم يتكلم ويشكي بدون شعور .. ولما هي طابت خلاص معد تبي تسمع طاري هالاشياء امراض وموت وقتل .. اعذريها يعني
هي للحين تعزك مره والدليل رجعت وقالتلك قوليلي اي شي بخاطرك بس اهم شي لاتزعلين مني .. يعني ماتبي تخسررك
شوفي مريض الاكتئاب غيررر غيررر مره بتكلمك من تجربه !!
يعني احنا نمر بظروف وتضيق صدورنا بس هم حالتهم شي ثاني يتخيلون الموت ويتوترون كل الايام .. حنا مجرد مانهدا ننسا هم لا كل ماسمعو اشياء سلبيه يوميا يتوترون اكثر وينهارون ..
يعني مثلا بقولك كيف .. لو انا جتني مشكله بتضايق اليوم وبكره انحلت ابنسى .. مريض الاكتئاب كل ماطريتيله مشكله يوميا يتعقد اكثر . يضيق صدره
ويوم شاف العافيه مايبي يرجع للهموم والغموم ..
يعني لاتشكتين لها اشتكي لربك .. خلك ايجابيه ..
الجأي لربك ماعليك منها ..

سبحان الله العظيم وبحمده
سبحان الله العظيم وبحمده
سبحان الله العظيم وبحمده
سبحان الله العظيم وبحمده