fatoomah123

fatoomah123 @fatoomah123

كبيرة محررات

زوجي واحراجه الدايم لي مع اهله وش اسوي

الأسرة والمجتمع

السلام عليكم ورحمه الله وبركاته
كيفكم يااخواتي جايتكم اليوم ابي شوركم لاني من جد صرت مااقدر اتحمل الوضع وصرت بنظر اهل زوجي سيئه وخبيثه بسبب زوجي وماني عارفه كيف اتصرف
زوجي علاقته مع اهله بارده نوعا ما وانا أحاول الطف العلاقه معاهم خاصه انه علاقتهم بحريم عيالهم مره زفت ودايم يسبوهم وانا ولله الحمد عمرهم ماشافو علي شي غلط او سببت مشاكل او حزازيات والحريم بطبعهم حساسات وزعولات واي شي يحطونه بحرمه اخوهم
زوجي مو مساعد ابد ودايم اتعرض للاحراج معاهم بسببه مثلا مره اخت زوجي تقول لي ابي اطلع عيالي كرنيش او مدينه العاب وابوهم كبير بالسن مايقدر علي الطلعات وكذا وانا ساكته زوجي ينزعج من عيالها ومره جالسين مع بعض وقال بنروح الكرنيش بكره وهي تناظرني وانا متفشله ودي أقول لها تعالي معانا بس زوجي مايبيهم وخانقته وقلت له ليش جبت طاري كرنيش وانت عارف انها محكورة وودها تطلع كان سكتت واحسها زعلت فكرت انا ماابيهم
وبدايه الدراسه كانت قايله له اذا فضيت وديني المكتبه عشان العيال بقضي لهم وقال لها اوك اذا فضيت والا خلي اخوي وبرضو كان يوم جمعه واحنا متجمعين وهو كان بيوديني السوق واكيد أي سوق فيها مكتبه وانا موصيته اذا ماتبي توديها لا تجيب طاري سوق اسكت انطم لا تحرجها وتحرجني معاها وهي تسولف قالت اذا فاضي اخوي وتقدر تودينا الليله قال لا بودي فلانه السوق مابيمديني و تعالو شوفو نظراتها لي وربي ذبحتني نظراتها
كل مارقعت هو خرب ويقول عادي وخليك رسميه وانتي حساسه وليش تكبرين الموضوع وش اسوي وش اتصرف هل أقول لها اخوك مايبيك اصير صريحه او وش اسوي مع زوجي هذي مو صراحه احسها وقاحه وقله ادب علي الأقل صرفها بطريقه حلوة مو تقول بنروح ووتسكت زي مانبيك وربي انحرجت مره وصارت تنظر لي نظره الخبيثه
وحتي مره كانو خوات زوجي يبون يسافرون بس مامعاهم احد الكل مشغول واحنا بنسافر وقلت له قول لهم قبل السفر بيوم وقول صارت فجاه مارتبنا لها وراح قال لهم بنروح قبل السفر باسبوع وقالو خذنا معاك قال لا مااقدر وسكت ماقال لهم حتي سبب والغالب حطو البلا فيني اني ماابيهم وربي مفشلني وش اسوي انصحوني صرت مالي وجه اقابلهم لانه اكيد يفكروني خبيثه او مخربه اخوهم عليهم كيف اتصرف
29
6K

يلزم عليك تسجيل الدخول أولًا لكتابة تعليق.

تسجيل دخول

أغنيه ديسمبر
أغنيه ديسمبر
ما عليك من نيه احد
اذا كلموك سوي نفسك ما تدرين ايش يقصدون و خلاص
امل 12345
امل 12345
والله يحبيبتي انتي وزوجك مثل بعض .. حاطة البلا فيه
اذا هو قالك بينك وبينه اني مابي اختي معنا وعيالها يضايقوني ،، وانتي وين دورك في اقناعه تراها ماعندها احد يوديها وزوجها كبير وما يصير انت اخوها !!! ما صدقتي قال مابيهم فرحتي ثم تقولين احرجني ،، انتي ما اهتويتي


ثم انك لو فعلا متفشله من تصرفه يلزق التهمة فيك كان قلبتيها عليه ،،، اذا قال لاخته ما اقدر اوديك مكتبه عشان ابودي زوجتي للسوق ،، وهي ناظرتك وانتي محرجة ،، قولي تعالي معنا الله يحييك ،، الساعة المباركة ،، او حطوني بالمجمع وروحو مكتبة ثم ارجعو خذوني ،،،، سكوتك موافقة لزوجك ،،، واتهام اهل زوجك لك في محله
محتاره900
محتاره900
طنشي مدام مابنيتك شي ولا سويتي شي غلط خلاص


يفكرون اللي يبوون يعني معليش كل وحده فيهم اكيد تحب حياتها فيها خصووصصيه ولو احد قال شي طلعت عيونهم


انتي حذرتيه وهو مايبي اخته وصجة عيالها خلاص مدام ماحرضتيه ولا سويتي شي طنشي


ماوداها كرنيش مكتبه انتي مالك ذنب


زوجها كبير بالسن تحط سواق وترتاح من انها تطلب منه ودنا ولا جبنا الصراحه محد الحين ينفع احد مايخدمك الا قرشك


والسفر كلن يروح لحاله اريح
صباح الخير123
صباح الخير123
اعرف الاخ عزوة لاخته ليش يعاملها كذا غريب امره ترى هذا من البر بالوالدين حتى بعد موتهم زيارة اصدقاء الوالدين كيف عاد صلة الاخوان والاخوات
مسكينه يعني هي محتاجه غصب لان زوجها مثل ماقلتي كبير سن
ع الاقل كان سكت لكن واضح يبي يستفزها دايم تكلم عنده عن حسن الخلق وانه يدرك الصائم القائم
اولى ثانوي
اولى ثانوي
طيب انصحي زوجك يودي اخته حرام عليه يشوف اخته محتااجه ويطنش يقهر صراحه