قلبي يحرقني حرق على ولدي الي ماله ذنب

ضوء حلم :

مرحبا فيك . ماشفت موضوعك الاول والله يعينك ويرزقك ولايحوجك لاحد يارب . بس ماني فاهمه انتي محروقه على ولدك عشان ابوه حي ولايسال عنه ؟ اعرف ان الوضع مو كويس لكن انتي في نعمه يتمناها بعض الحريم مثل اللي في ظروفك ،، تخيلي راح رفع دعوة حضانه له وش بتسوين لو كسبها ؟ هل بتكوني محترقه في وضعك هذا ولا محترقه اكثر وولدك بعيد عنك ؟ دايما خليك ايجابيه في حياتك ولاتشوفي فقط الجانب السيء ،، كل شي يحصل لك في حياتك له حكمه وله سبب احيانا مانعرفه بوقتها وممكن نزعل ان هالشي حصل لنا ،، لكن مع مرور الوقت وتغير الظروف نحمد ربي ان هالشي حصل . ياكثر الاطفال اللي عايشين مع امهم وابوهم ومعيشيهم باحسن مستوى وموفرين كل شي لهم وماتشوفينهم الا هايتين بالشوارع او بمصايب ومشاكل مالها طرف . وبنفس الوقت اشوف حريم شايله التربيه والنفقه والمتابعه مع اولادها لوحدها وسبحان من سخر عيالها لها واصلحهم وبارك لها فيهم .. اللي امام مسجد واللي معروف بالحاره باخلاقه وحسن تعامله . الهدايه يا اختي مو بيد الام والاب ,, الهدايه بيد ربي والواحد يفعل الاسباب وياسس طفله صح ويدعي له دايم بالصلاح والبركه والحفظ عن من كان فيه شر له . انتي كوني له الام والاب واحتويه وعلميه ولاتسمحي لاحد ينقص من قدراتك معه . لابد بيجي يوم يسال عن ابوه وبيحس بالنقص مهما كان هذي غريزة يتمنى الطفل انه ينمو بحضن امه وابوه خصوصا لو شاف اولاد بعمره وابوهم معهم ,, لكن انتي قولي له الحق باسلوب يناسب عمره لاتكذبي عليه او تخلي ابوه سيء بنظره حتى مايكرهه ويحقد عليه . وابوه الله يهديه ويجزاه خير اذا كان كاف شره عنكم ,, يمكن اهله زوجوه وعقليته مانضجت للزواج والاطفال وانتو هم الضحيه . لكن استفيدي من هالتجربه وخليك قويه ولاتسمحي له او لاي انسان بالعالم ينقص من قدرك بسبب غلطة غيرك . الله يسهل عليك .

مرحبا فيك . ماشفت موضوعك الاول والله يعينك ويرزقك ولايحوجك لاحد يارب . بس ماني فاهمه انتي...