أختي جنان ابا اسالج او اي بنت عندها معرفة بالشحن

انا اريد اللحين اشحن من الرياض للعين أو أبوظبي
فكم النص كيلو او الكيلو

اريد اعرف السعر والمدة بس يكون رخيص ويهتمون ما يوصلني الشيء مكسر..

انا محتارة هل استخدم البريد الممتاز.. لان ارامكس وشلته غاليين..

وممكن حد يفيدني عن شركة الخلف اللي طريتيها اختي جنااان

ياليت احد يرد علي مستعجل
والسموووحة
بنات نسيت اسال اللحين اذا اريد اشحن 2 كيلو من الرياض للعين بالبريد الممتاز

انا فهمت من كلام الاخت جنااان ان كل نص كيلو 30 درهم

وبحالتي انا ال2 كيلو بكون 120 درهم؟ بنات اللي استخدمت البريد الممتاز تقولي او الاخت جناان لو سمحتي

وبكم يوم وصلج من الرياض لدبي؟
شوفي عزيزتي

انا تعاملت مع شركة وحدة بس للشحن وهي الخلف وأشحن معهم من دبي للرياض
لكن ما عندي خلفية عن الشحن من الرياض لأي امارة ثانية، غير ان هذي الشركة ما يوصلون للبيت يعني انتي تروحين لهم توصلين أغراضج وصاحبة الأغراض تستلمها من المكتب.

بالنسبة للبريد هم ياخذون 30 على أول نص كيلو لكن كل نص كيلو زيادة ياخذون عليه 10
يعني انتي عندج 2 كيلو ياخذون عليها 30 +10+10+10= 60
هذا اللي قالوه لي بالتلفون لما اتصلت عليهم، لكن لما رحت المكتب أشحن الطلبية وكانت تقريباً 2 كيلو قالولي ب95 درهم؟!!! ما اعرف اذا كانوا ياخذون مبلغ زيادة كضريبة او غيره الله أعلم.

غير كذا البريد مايشحن العطور وأعتقد بعد انهم ما يشحنون المواد القابلة للكسر.
والله أعلم انتي أسألي البنات اللي عندكم واللي سبق تعاملوا مع البريد وان شاء الله يفيدونج.

آه نسيت شي الشركة اللي أشحن معها ما تحط سعر للكيلو، بس يشوفون الأغراض ويقدرون القيمة، وعادة تكلفني الطلبية بين 200 - 300 درهم. وتوصل خلال يومين تقريباً.


أتمنى اني أفدتج وتقبلي تحياتي
جنااان والله انج جناان

مشكورة على الرد السريع

لأني عندي تجارة اييبها من الرياض واريدها للعين توصلني وأدور اقل سعر لأن الزبونة اهيه بتدفع قيمة الشحن

واللي بشحنة عبارة عن عبوات مواد تنظيف سائلة .... وحسب كلامج شكلي بشوف البريد الممتاز أو بدور شركات الشحن اللي بالعين

ويعطيج العافية... واللي تعرف شركات شحن بالعين لا تتردد تقولي
تكلفة البريد الممتاز الحكومي EMS في السعودية

[img]http://www.*******.com/upload/Folder-16/1139002845_EMS-SaudiAribia.jpg[/img]
ويمكن إرسال البضائع عبر أي مكتب للبريد في أنحاء السعودية
وللتعرف على أقرب فرع إليكم اضغطوا على المنطقة التي أنتم منها
http://www.sp.com.sa/SaudiPost/Arabi...ficeLocations/


الساعة الآن 09:03 .