الحمل وما ادراك ما الحمل😩

ضوء حلم :

وعليكم السلام ورحمة الله وبركاته . اولا الله يسهل عليك يارب ويرزقك الولاده السهله الميسره . واهلا وسهلا فيك اطرحي اسئلتك باي وقت ان شاء الله يردو عليها البنات حسب معرفتهم . انتي ليش تسوي هالرياضه والمشي وش هدفك منها ؟ هل فقط مشي عادي عشان اللياقه ولا عشان موضوع تعجيل الولاده ؟ اذا عشان اللياقه واضح ان جسمك مرهق وماعاد يتحمل ارهاق اكثر ،، اما انك تخففي سرعتك بالمشي اوتمشي ثم تجلسي شوي ،، وتخلي المشي يوم ايه ويوم لا حتى ترتاحي اكثر . كثري من شرب الماء وتغذي كويس وخذي الفيتامينات والحديد واشربي حليب لاتاخذي حبوب الكالسيوم .. واذا جاء الليل ورجولك تعبانه مسديها بزيت زيتون مقري فيه وحطي تحتهم مخده ولاتجهدي نفسك اكثر من طاقتك . واذا عشان تعجيل الولاده انا اقول لك من تجربتي ومن تجربة كثييير هنا بالقسم ان الولاده متى ماكانت مكتوبه لك راح تجي في وقتها لادقيقه زياده ولا تاخير . ذكرتيني لما كنت بولادتي الاولى الكل يقول لي ماراح تولدي الا لما تعوشري لان هذا الغالب في الحامل البكر ،، والله لسى داخله الاسبوع 38 ونايمه في امان الله بفراشي الا واسمع شي انفجر واركض للمستشفى قالو يالله ولاده .. وانا لامشيت ولاجماع ولا اعشاب ولاهم يحزنون مكتوبه من ربي . وفي حملي الثاني قالو لي الناس ماراح تخلصي الشهر التاسع الا وانتي والده الحمل الثاني معروف تكون ولاته ابكر ، اخذت الاربعين اسبوع كامل وزياده ثمان ايام .. باقي لي يومين على موعد الطلق الصناعي وسبحان الله جت الولاده . انتي ادعي دايم في صلاتك وباوقات الاستجابه انه يرزقك الولاده الميسره ويكتب لك اللي فيه الخير .

وعليكم السلام ورحمة الله وبركاته . اولا الله يسهل عليك يارب ويرزقك الولاده السهله الميسره...