الحمدلله..الله يسعدكم دنيا واخره الي صملتوني اني ارسله لأن فيه اشيا كثيره اكتشفتها انا وهو ماكنا ندري عنها (اخته ) واليوم اجمل يوم اللهم لك الحمد ابقولكم الي دار بينا انا وطليقي
ارسلتله البارح رساله واتس اب وقلت احبك وتبقى اغلى شخص في قلبي واجمل لحضه الي شفتك فيها اليوم ليش تقول للعيال اني مابغاك...
رد علي بعد الفجر صار يدخل الواتس ويكتب ويطلع ويكتب ويطلع بألاخير قال الي يحب مايكره قلت له عمري ماكرهتك
..قال تركتيني وصدمتني بكلام اتوقعه من اي احد الا منك ورجعتلك قلت ممكن حست وللأسف وصبرت اسبوع قلت خلاص مافيني اصبر زياده على الي سويتيه ولو انك تحبيني ماخليتيني يوم واحد ماهو اسبوع وتتحملي عشاني اي شي وبعد ماعرفت انك حامل وممكن يكون وحام قلت ممكن تصرف لأإرادي منك.و كلمت اختي تكلمك ورديتي عليها النفس طابت لاترسلين وسويتيلها حظر
وكلمتها قبل شهر ابغا اعرف جنس الجنين وعطيك افلوس تسوي اشاعه ورفضتي
ايش تبغيني اسوي بعد
قلت والله ثم والله ماكلمتني اختك لا بخصوص رجعه ولاقلت النفس طابت ولا بخصوص إشاعه ولا شي
قالي موجودة رسالتك ورسلها لي..طلعت اخته وشلون تسوي ترسل من جوالها واتس اب على جوالها الثاني ومسجله اسمي على انه انا وتصور الشاشة وترسله لطليقي الي هو اخوها عشان يكرهني اكثر وقلت له روح شوف الرقم من جوالها
وحلفتله انها ماكلمتني قالي ابتصل فيك
رديت عليه ودار كلام بينا وحلفتله ان اخته ماكلمتني بهذا الموضوع ولارديت عليها وانها تفتري علي
واعتذرت منه وقلت انا زي اي زوجه ابغا استانس وامك انا احبها وبذيك الفتره انت عارف وفاة ابوي وعارف الوحام وكنت اكره الاكل الي كنت اسوي لامك وانت تعرف تعاملي معاها اول كيف وانا غلطت ولو ماحبك مارسلت عليك
قالي اختي خاطبتلي صديقتها وإذا انتي تشوفين انا نرجع لبعض وهذا قرارك وماحد غاصبك على رجعتك لي انا راح اعتذر عن الخطبه و انا مستعد ارجعك بس امي غاليه عندي واضحي بأي شي عشانها وانا ماقصرت معك من قبل امي ماتجي بيتي وبعد ماجات ولاتحاولي تمسكيني مع اليد الي توجعني الا امي قلت انت عارف تصرفي معها قبل الوحام وقبل وفاة ابوي كيف كان وغلاها من غلاتك
انا ابغاه وهويبغاني وكانت اخته هي السبب في بعدنا لان ماكنت اقدر ارسله ولا اكلمه امي هي الي تكلم طليقي من جوالها او ولدي يكلمه ويقول ايش يبغا لان اخواني مايخلوني اكلمه
اخواني مايدرون اني كلمته وراسلته لو درو بيزعلون
لان يقولو ماتكلمينه إذا عنده شي يجي وهو قال بيجي بعد صلاة المغرب اليوم هو وامه
وخايفه خصوصا اخوي الاكبر تصرفاته غريبه خايفه يقوله شي او يزعله او يشرط عليه بشي
25-02-1438 هـ, 02:22 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك يارب ويتمم عليك
واخته حرام عليها امكن تبغاه ياخد صاحبتها لكن ربي يسهل امرك ودربك وتبقي احلى اتنين يارب
25-02-1438 هـ, 02:28 مساءً
 
ماشاء الله و الله فرحت لك
الله يتمم فرحتك على خير و يلم شملكم
خوفي اخته او احد يعرفك تصير سالفة بسبب المواضيع اطلبي من ام انوسي تحذف الموضوع الاول
25-02-1438 هـ, 02:29 مساءً
 
اللهم لك الحمد
الله يجمع شملكم بالخير دايماً ويصلح حالكم ويألف بين قلوبكم ويهديكم ويسخره لك ويسخرك لك
25-02-1438 هـ, 02:32 مساءً
 
الله يجمعك مع زوجك ويبعد عنكم كل سوء.. واخته يا رب اجعل كيدها في نحرها
25-02-1438 هـ, 02:32 مساءً
 


الساعة الآن 08:04 .