حلوة العنب
حلوة العنب
الله يعينك يارب
Sairaalli
Sairaalli
ماينفع تسوي رجيم إنتي ، نفس وضعي تقريباً ، أي شيء أكلو بدون أي تفكير.
الرجيم بيُعتبر حرماان لنا! وإذا وقفنا بنرجع دبل : (
قبل ماتاكلي شيء أتأملي بأكلك ، ركّزي بكميتو .. شوفي نَوعيّة أكلك ، فيها جميع العناصر اللي تحتاجيها ؟ كمية الدهون إللي فيه؟
ثاني شيء ، أستبدلي أي شيء مو كويس بحاجة كويسة المهم إنتي أستدبلي الشيء إللي موكويس بشيء مُتقبلتو وتحبيه.
السناك عندك تاكلي فيه أشياء مو كويسة من حلى وشوكلت وعصاير ؟ خلي سناكك فواكه! ، قطعي فواكه وجهزيها ، أو أعملي سموذي وخليه قدامك!
أول ماتبغي تاكلي شيء تلقائياً تُحطي عينك على الفواكه ، أو الخضار إذا تحبيه أكثر.
الموية ، لاتنسي الموية أبداً قبل الأكل وبعد الأكل أشربي كاسة وأكثر، وربي يخليكي تحسي بشبع مو طبيعي!
وأتقفي بموضوع الرياضة قبل لاتبدأي لإنها أساس الشد وجمال الجسم ، لازم تقرأي كويس عن الرياضة ، وتفهمي إنك تحتاجي تمارين كارديو ومقاومة. وتعرفي كيف تبدأيها.


إذا القراءة تقنعك ؟ أي شيء مو كويس أقرأي عنّو ، لاتسمعي نصايح الناس وكِدا ، لاااء أقرأي عنو..
المشروبات الغازية ، الأشياء المقلية ، الـ............
كل شيء اقرأي عنّو ، وبالمقابل كمان لازم تقرأي عن فوائد الفواكه والخضروات والأكل الصحي! عشان يكُون محفزّ لِك أكثر.
أنا ماخلاني أوقف مشروبات غازية وأكل مقلي غير القرآءة ، عمقّت نفسي في القرآءة لدرجة صرت أشوف هالأشياء تنسد نفسيتي.




ونصائح بسيطة..
-ولاتنسي توزعي أكلك ، ماينفع الأكل العِشوائي أبداً ..
- لاتاكلي وتنامي على طول!
- العشاء لازم يكون حاجة خفيفة ـ وإذا كان شوية ثقيل أنتظري 3 ساعات بعدين ناامي.
- الموية ، الموية ، الموية > مافيه أهم منهّا!




~~


الرياضة إللي تسألي عنها.. نفس وضعك ماحبيت كلامهم لمّا يقولو يوتيوب ومدري إيش.
رح أقول لك أنا كيف بدأت بالرياضة :
أنا بدأت بتمارين الكارديو ، وأستمريت عليها فترة فوق الشهرين ..
بدأت بـ 5 دقائق بس! ومع الأيام وصلت لساعة ونص ماشاء الله.
أقرأي عن كيف تسلي نفسك وقت المشي أو الجري ، إذا إنتي من النوع إللي يطفش بسرعه
المُهم بعدها قلت لازم أبدأ تمارين مقاومة عشان الشّد ، لإني بس بنحف لكن جسمي زي المترهل.
وبدأت تمارين مقاومة بالأثقال بـ 1كيلو ، وأتدربت على تمرين البلانك ، وصرت أسوي تمارين للبطن والفخذ والزنود (إنتي شوفي تمارين للمناطق وأختاري إللي يعجبك ، بس لازم تراعي إنك بتختاري تمارين لجميع المناطق مو لمنطقةوحده]..
الفِكرة إنك تبدأي تدريجياً ، شوفيني بدأت بـ 5 دقائق بس! بعدها صرت أزيد وأزيد .. وأتحمست ، تدري ليه ؟ لإني عرفت فايدتها!
فِعلياً الرياضة حاجة جداً كويسة ، أحسهّا تخرج الطاقة السلبية.


وبالنهاية إنتي لِك الإختيار ، تبغي تبدأي حياة صحية وتسترجعي جسمك الجميل بس يكون معاه هدية وهيّ إنو حيكون صحي ؟
ولا تبغي تكملي على إللي إنتي عليه ؟
وربي يكتب لِك ولِي الخير في الشيء إللي نبغاه ، ويوفقنا بعملو ^^
ويحقق لنا جميع أمانينا يارب <3
داعية بقلمي 2015
داعية بقلمي 2015
انصحك برجيمات الطامح للرشاقه(مشعل)
بصرااحه روووعه ...تابعيه بالاستقرام ناس كثير استفادو منه
milanoo
milanoo
++