تعقدت من نفسي بسببهم

السلام عليكم
اول شي معرف كيف ابدا بطرح مشكلتي
ياناس عجزت افهم اللي حولي , انا اساسا متعقده من نفسي و هما زودوني
كرهت اطالع وجههي في المرايه معد ابا اخرج اقابل اهلي عقدوووني حتى امي امي منهم
انا وزني ثابت طيب يعني اذا زاد او نقص يرجع للوزن الاساسي , مافي شي ما استخدمته عشان انزل وزني كل مارحت مناسبة و الله يا هندا متنتي و الله زاد وزنك طيب انا اعرف وش اسوي وزني ثابت حتى امي ماسلمت من دقدقتها شوفي كيف شكللك مافي بنات في وزنك شوفي كيف دبا كانك ام و مخلفه امتن مني صايره وانا والله وزني 85 و مو مره واضح فيني لان طولي 165 والله حتى اذا خرجت اقضي تقول لا دا ما يجي قدك خذي اكبر على كل شي تروح امكان الملابس حقت المتان مره تقول هنا تلاقي قدك وانا والله مو واضح فيني اني متنانه وغير كدا ماسكه علي انا جسمي كلوا مسامته مفتوحه وواضحه كل جسسمي حتى وجههي مافي شي ماحطيته والله وبرضو زي ما هوا فمره تعقدة من نفسي ما احس اني جميلة اغلب الوقت امي و اخواتي يقولوا لي مشوهه والله مره نفسيتي زفت زفت واللي تقولي مح تزوجي محد بيطالع في وجهك الا الاجانب ودا اللي صار اتقدم لي واحد اجنبي وامي اول من وافقت قالت مح تلقي احد يطالع في وجههك حظك شغال مع الاجانب وش اسوي بالله اساسا رفضته انا كانوا بيتخلصوا مني وانا والله مو شينه وش ذنبي اذا كان جسمي و شكلي كدا حتى فكرت اسوي تكميم بس رفضو اهلي..
اعطوني حل بالله والله تعبت نفسي اني اتزوج واعيش حياه هادئة سعيدة لا تقولوا الزواج شقى على الاقل بدل ما اشيل مسؤولية 9 اشخاص من اكل و غسيل وكوي وتنظيف يكون شخص واحد .. نفسي يكون عندي طفل كدا باحس بشعور الامومه ..
المشكله ما ابا احد يشفق علي .. او شخص يخطبني على طمع لان ابوي عنده الخير الحمد لله وماينقصنا شي .. و راس بابا يااابس مو على اي واحد يوافق لازم يكون زي اللي في راسه