لا طبعا مو كل شي ينقال اخبارالمجتمع العاديه وإلا مناسبات اما صديقتي قالت وجارتي والاهل طبعا ياحريم خط احمر مهما كان الزوج طيب اهلك لا تنقلي مشاكلهم واخبارهم عند الرجال خليهم مرفوعين الرأس دايم واسرارك الخاصة مو شرط يعرفها مثلا يعرف انك نزلتي السوق خلاص مو شرط يعرف وش شريتي أو زينتي شي بجسمك وبشرتك مو شرط يعرف يكفيه النتيجه وبعد نسيت اقولكن ياحريم اغلبنا نتعرض لحركات مو زينه في السوق مو شرط الحرمه تسحب زوجها وتقول شوف فلان يناظرني والاكلمني خلاص استعيذي منه وروحي في طريقك انا أقول هذا الكلام لان في كثير حريم يصيرلهن مواقف فتجي الوحدة شوف فلان ياشر لي والا لمس يدي وبعدين يتهاوش زوجها وتصير سالفه وووووووو اقصريها وروحي في طريقك كنك ماشفتي شي وغيرها كثيرامور ماتنقال للرجل زي مثلا فيك عيب مايدري عنه تروحي تقولين له ليه تفتحين عيونه المهم هذا رأي الشخصي انا ماقول لزوجي كل شي حتى اذا طلعت مع اهلي نتمشى ماقول التفاصيل كامله خلاص رحنا نتمشى وخلاص

انا احكي الشي العام ايش اكلنا بس مشاء الله اذا امه او وحده من اخواته كل شي ايش لابسين الناس وهاذي قالت وهاذي دبه وهاذي اكلت وهاذي شربت يعني بالتفصيل الممل😆😆 الله لا تكشف سترنا عند احد والله حرام

😂😂الله يسعدك البوح الصادق ضحكتني
لا مستحيل يعرف كل شي

لا ما اقوله ممكن السوالف العاديه ايوا لكن كل شيء كل شيء لاا

أنا ضد انه الرجل يعرف كل صغيرة وكبيرة .

كل كلمة ولها مقياس عند الرجال وفهم ثاني وان عرف بسالفة من غيرك , انتي مالك فيه سوالف عاديه خبريه اما سوالف نسوان وأفكارهم واقتراحات واراء واللخ ومهما دار بينك وبين اي أحد لا تنقلين او تقولينه .

بعض الرجال يصيرون شكاكين مع كل كلمة يحولها او يترجمها لشيء ثاني وحتى السالفة , واذا سمعها من غريب غيرك قولي نسيت اقولك يا فلان , راح عن بالي .

السوالف مو كلها تنقال المرة الناجحة تقول الكلام والسوالف فقط المعتدله اما الخاصة فيها او بأحد ثاني ما تقوله