السلام عللييكم بنات حواء
أول شي أغلبنا يسوون ماسكات وبصل وثوم وماادري ايش وزيوت رائحتها قويه واكيد تبغين تتخلصين من رائحة الأشياء هذي اللي بشعرك

زياده المخمريه اللي تشترينها رائحتها مو مرضيه وكمان تسبب شيب مع الوقت

شسمه الحين جبتلكم طريقه للمخمريه روعه جدا جدا مو مكلفه ورييحه جدا جدا جميله وتفرد الشعر فرد يصير سيراميك ولمعه وريحتها ثاابته معك الين تغسلين شعرك

أول شي اللي تحتاجينه :

علبة فازلين متوسطه او صغيره على حسب كمية المخمريه اللي تبغينها

وجلسرين سائل + زيت لوز حلو + زيت عطري

الزيت العطري انتي اختاريه على حسب الريحه اللي تريدينها ، يعني تروحين عند العطار وتختاري الريحه اللي تعجبك ممكن زيت فل او زيت ياسمين او زيت الصندل او مسك او عود او زيت ورد اللي تعجبك ريحته

عن نفسي بخبركم الزيت اللي افضله زيت اسمه الألف زهره فظييعه ريحته تهوس بتمشين الناس تشم بشعرك

الطريقه :

بتفضين علبة الفازلين وتسيحيها على نار هاديه وتحطي عليها معلقة ك زيت لوز حلو ومعلقتين ك جلسرين وزجاجة الزيت العطري اللي جبتيه

لما تشترين الزيت خبري العطار يعطيكي زيت خام مركز انتبهو مركز عشان ممكن يعطيكي مخفف

بتمزجيهم على النار لين يسيحو ببعض وبعدين رجعيه بالعلبه واتركيه شوي لين يتماسك ويجمد مره ثانيه

بعد الحمام وشعرك مبلول جففيه شوي بالمنشفه وخذي كميه صغييره من المخمريه اللي ساويناها وادهني على شعرك من النص الي الأطراف وامسحي خفيف فوق ، يعني لا تكثري لان بتطلع معك الريحه جدا قويه ما تحتاج الا مسحه بسيطه
فوائد مكونات مخمرية الشعر
الفازلين لمعان للشعر
زيت اللوز الحلو لمعان وريحة حلوة
و زيت العطرى ريحة تجنن
و الجلسرين يساعد عالترطيب الشعر مثل البلسم
و فرد الشعر خصوصا لو فى شعر يعانى من التجاعيد ، اللي تخبرني مضر بقص راسها الجلسرين هو اللي يفردلك الشعر فرد بس لا تستخدميه لحاله لازم بالمخمريه
اذا تبغين تسوين مخمريه للجسم سوي نفس طريقة مخمرية الشعر بس بدل زيت اللوز الحلو خليه لوز مر ، زيت اللوز المر مره يفتح الجسم
وادهني منها جسمك بعد الحمام وريحتها ثابته ثابته لليين تتحممين مره ثانيه
اتمنى أفدتكم
اللي جربتها تقول لنا تجربتها واي استفسار انا حاضره
دمتم بألف عافيه


لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يعطيك العافيه
اقتباس مشاركة  (بنت الزهراني1411)
يعطيك العافيه
الله يعافيك حياتي
طيب الزيت العطري اللي ضفتيه وهو الألف زهرة ما يسبب شيب؟؟
وممكن تعطيني اسم محل ثقة يبيع هالزيت بالرياض الله يسعدك
اقتباس مشاركة  (رلين عماد)
طيب الزيت العطري اللي ضفتيه وهو الألف زهرة ما يسبب شيب؟؟
وممكن تعطيني اسم محل ثقة يبيع هالزيت بالرياض الله يسعدك
أبدا الزيوت العطريه كلها طبيعيه ما تسبب شيب زيها زي الزيوت العاديه اللي يسبب شيب المخمريه الجاهزه او العطور الصناعيه
والله ما عمري رحت الرياض
بس ممكن تروحي عند عبد الصمد القرشي وتجيبي منه مسك ابيض سائل او مسك حجر وتستخدميه
وممكن تجيبين مسك ابيض سائل وتحطيه بزجاجة زيت جنسون الوردي اللي لونه شفاف وتدهنين بعد الحمام تطلع ريحتك عذاب وكمان نعومه جدا حلوه
أتمنى أكون أفدتك


الساعة الآن 10:58 .