السلام عليكم
صباحكم خير وسعادة خواتي 😍
الموضوع مثل ماهو مكتوب اتحفووونا بمواقفكم المحرجة 😭😅💔
افتتحها بمواقفي دايم مع الطبخ مره طلب مني زوجي قهوه وكرك للدوام واقوم من صباح الله يقال اني بتفنن فيهم واحط القهوه والكرك عالنار ويوم خلصوا وجيت اصبهم بالترمس انصدددمت الكرك بطعم الهيل مررره مر الله يديم النعمة مع اني ضايفة له كل المكونات بس سبحان الله مافيه الا طعم الهيل وخفيف مررره والقهوة مررررره مرررره الين بكره استغفرالله اول مره اسوي كذا العادة تضبط معي الحمدلله مره تضايقت واستحيت منه
ومره سويت لي عريكة لاهلي لو ضربتها بالجدار انكسر الجدار وياكلها ولد اختي ويقول خالة قاسسية قوية قلت اي بس لذيذة ومفيدة اسلك لعمرري 😂💔
واخر موقف يقالي السنعة سويت هريس وذبحني اخذ 6 ساعات ولا نشفت مويته عدل وكنت مخليه الملح اخر شي ومن كثر الرجة حطيته بالصحن وانا باقي ماملحته وصاير سليق مب هريس وباقي حب وارسلته لحمولتي ااخخ يا فشيلتي خالتي تقول احسبه جريش بس لذيذ > تجاملني الله يحفظها ههههههه


المايككك لكم اتحفونا 😅💔🙆
02-04-1438 هـ, 08:06 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يسعدك ......رفففع
02-04-1438 هـ, 09:30 صباحاً
 
مره جتنا وحده قلت لها كم عمرك قالت٢٥ قلت ماشاء الله متزوجه قالت لا قلت لها ليش😭😭😭😭😭غباء غباء غباء غباء


و مرة جتنا حرمه كمان و جلست بالنص بيني و بين اختي بس مو جنب بعض مره بعيدين شويه المهم انا و اختي نتكلم من بعيد كذا على اساس انها مو معانا الا انا كشيت لاختي بنفس اللحظه الحرمه طالعتني😭😭 سويت نفسي اسوي باي للبزران
02-04-1438 هـ, 09:54 صباحاً
 
الله يرفع قدرك يا وادي المطرون
02-04-1438 هـ, 09:58 صباحاً
 
ابنة السماء
هههههههههههههه اهم شي لييش
الصراحة هذا اللي ينكبنا ناخذ راحتنا بالسوالف ونحسبها بيننا بس وننصدم ان بعض الحريم قالطات معنا بالسالفة 😢😂💔💔
02-04-1438 هـ, 10:00 صباحاً
 


الساعة الآن 05:14 .