طاجن أم علي بالقشطه والمكسرات من مطبخ الشيف موني بالصور

الحلويات الشرقية والغربية

السلام عليكم ورحمة الله ورجعنا بعد غياب ام علي اكله مصريه وليها قصه طريفه في التاريخ ام علي دي هي زوجة السلطان عز الدين ايبك حاكم مصر في عهد المماليك وكان متزوج عليها شجر الدر ولما اتوفت ضرتها شجر الدر احتفلت فحطت عجينه مع سكر ومكسرات وحليب ودخلتها الفرن وقدمتها للناس ومن وقتها اصبحت الاكله بإسمها اللي هي ام علي ومكوناتها : باكيت بف باستري مكون من 10 قطع 2 ونصف كوب حليب علبة قشطه بوك (وممكن استبدالها بقشطه طبيعيه) كوب سكر كوب بندق وزبيب الطريقه ده نوع البف باستري اللي استخدمته هنرص البف باستري على صينيه وندخله الفرن لغاية مايستوي ويبقى لونه دهبي ولما يبرد نفتفته بإيدينا ونحط نص الكميه في الطاجن وفوقهم الزبيب والبندق وهندوب الحليب مع السكر من غير مانسخن الحليب ونحط عليهم نص كمية الحليب وبقية كمية البف باستري وبقية كمية الحليب واخر حاجه نحطها على وش الطاجن هي القشطه وفيه ناس بتحط زبده بس انا شايفاه مش محتاج لأن البف باستري والقشطه دسمين وهندخل الطاجن الفرن لغاية مايحمر وشه وده شكله النهائي ان شاء الله يكون عجبكم
11
4K

يلزم عليك تسجيل الدخول أولًا لكتابة تعليق.

تسجيل دخول

Nadine Abdulaziz
Nadine Abdulaziz
ما شاء الله
الله يسلم هالإيدين ويحرمهم من النار
ويعطيكِ العافية
فـgق قـOـة الجبـ∫
ماشاءالله عجبتني تسلم يديك
montreal-canada
montreal-canada
تسلم يدك
أول مرة اعرف قصة الطبق :)
om maged
om maged
ما شالله تسلم ايديك
عطر ومطر"
عطر ومطر"
عوداً حميداً
تسلم إيدك ...