موضوع شدني

السلام عليكم
فيه موضوع شدني شوي وحبيت ارد عليه بقصه لبنت خالتي الله يرحمها
..الموضوع نزلته اعتقد العضوه بنت ذاك الامير 22
تقول فيه رجال ماتت زوجته وراح لخويه قال لي يومين احاول انزل دمعه ماقدرت .
قال خويه سهله بس تذكر انها رجعت وراح تنزل دموعك
.........................
تذكرت قصة بنت خالتي الله يرحمها اصيبت بورم في الراس وتنومت في جده وعندها بنتين وولد كان زوجها يحاول يطلعها برا يعالجها
وجاب الموافقه وكل شي وسوا التذاكر وحده له ووحده لها وجاي بيبشرها ان سوا كل شي وبيعلمها بموعد الرحله
يوم جاها حصلها متوفيه الله يرحمها راح معهم المقبره ومادخل جلس على الباب مكان يبغى يشوفهم يوم يدفنوها
.............
عاشت معاه 12 سنه وتوفت عام 28 هجري قبل عشرة سنوات وماتزوج لحد الان ، حزن عليها اخواني يقولون حاله صار مثل العود بعد وفاتها
........
كانت فيه عزيمه قبل سنه وحاضرها زوجي وكان زوج بنت خالتي الله يرحمها موجود ومجتمعين الرجال وواحد منهم وجه كلامه اتجاه زوج بنت خالتي كان مسرح وقال له وين وصلت اكيد تفكر بالزواج ورد عليه قاله تحرم علي المره بعد ام فلان
...
الهدف من كتابة قصتها الله يرحمها ويسكنها الجنه زي مافيه زوجات وفيات فيه رجال اوفيا ولو كانو قله
ربي لاتفجعنا بمن نحب