يقول لي كأنك رجال

بنات خلااااااص بنفجر من القهر
تزوجت من عشر سنوات وزوجي فترة الخطوبة والمكالمات أوهمني انه رومانسي وعقله كبير ومتفاهم
تزوجته وانصدمت طلع كله تمثيل ولا عنده رومانسيات ولا يحب صنف الحريم
ولا تغريه أي حرمة لا بغى العلاقة طلبها ما بغى لو يشوفني على سنقت عشرة ما همه ما يهزه شي
ولا يتفاهم وقت المشاكل دائما أنا الغلطانة في نظره وعقله ضحل وأكبر همه نكتة بالواتس اب
ولا يحمد ربه انه لقى زوجة مثلي
جميلة بشهادته وكانوا يدورون له بيضة سنتين لحد ما لقاني وشايلته على كفوف الراحة
وجامعية وياما أهديته هدايا بالآلاف وأهديته سفرات
طلباته كلها مجابة وان شاء الله وعلى أمرك
اذا تأخرت كم دقيقة يقول ولا تطيعيني
طيب عشر سنوات اطيعك فقط هالمرة نكرت العشرة الطويلة؟ ؟

تأخرنا بالانجاب 3 سنوات وكان السبب مني
وطول فترة العلاج ما رحمني من كلامه السم
وانا بتزوج وانا ما دريت انك عاقر وانك وانك
صبرت على كلامه واحتسبتها عند رب العالمين
والحمدلله حملت وكانت فرحتنا لا توصف
والآن معي 3 أطفال
بعد الأطفال وعنادهم وصياحهم أنا صرت دائما عصبية وأحاول تأديبهم عنيدين بشكل لا يوصف
وأحاول أأدبهم بالطرق الحديثة وما ألجأ للضرب الا في الحالات الشديدة جدا
لكن اعصابي تنهار ما يسمعون الحكي مو بس يعفسون المكان
لما اقولهم ناموا عشان الروضة يعاندووون
ويختلقون اعذار عشان لا يدخلون غرفتهم
واليوم سووا هالحركة ورفعت صوتي وزوجي قاعد قلت لهم خلااااص ادخلوا الغرفة
زوجي قال لي كلامك كله صراخ وكأني عايش مع رجال
وانا صرت ما ارتاح بالبيت
من طرف الشكل انثى لكن الاسلوب اسلوب رجال وعصبية وصوتك رفيع
يمكن قلبك ابيض لكن بأسلوبك هذا تخليني أنفر منك
زعلت عليه وقلت له اذا مو عاجبتك العيشة معي ومو مرتاح في بيتك بسببي بطلع من بيتك وطلقني والعيال ان شاء الله ما عليهم خلاف
تبيهم معي تبيهم معك ماعندي مانع
واذا تبيني أنثى انت مرة عاملتني كأنثى؟ ؟
اسلوبك معي كله صراخ وتطلب حاجاتك بقلة أدب معي وما تعاملني بنعومة انت إلي صنعت فيني هذه الشخصية
ودخلت المجلس وسكرت الباب وهو راح الغرفة ينام وانا مقهوووورة
عصبيتي مخلية عياله احسن ناس ومؤدبين وشطار بالروضة
هو متساهل ومتهاون مع الاطفال ويعاندونه ويضربونه ولا يخافون منه
لازم في طرف بالبيت يهابونه عشان يتأدبون
هو تخلى عن هذا الدور وانا اخذته لا يضيعون عيالي بدون مربي
ولما اخذت دوره في التأديب قال عني رجال
أنا مجروحة وأبكي وما ادري كيف أتصرف معه