ام رموس

ام رموس @am_rmos_3

عضوة جديدة

قصتي في تأخر حملي وأخذ العظة وثقة بالله

تأخر الحمل

السلام عليكم ورحمته الله وبركاته قصة لأخذ العظة والصبر وانه كل شي بيد الله وحدة بعد حرمان ثمان سنوات عندي طفلة عمره ٨ سنوات ولم يرزقني الله بعدها بعد ماخلصت دارسة الجامعه ولاني كنت ادرس لماجبت بنتي كنت ثاني مستوى وخلصت دارسة بدأت بعد ثلاث سنين وانا أتعالج عشان ابغى اخت او اخ لبنتيبس الله ماارد اصلن حسّيت انو اختبار من عند الله وابتلاء فبدأت رحلة المستشفيات اول شي أخذت كلوميد عن طريق دكتورة وجلست فترة وانا اخذ منشطات وبعد فترة قالت لازم تشوفي الأنابيب عندك فلازم أشعة صبغة قلت طيب في بالي أشعة عادية للبطن وكذا واتفاجاء انها أشعة متعبة واسويها وانا ادعي ربي يعطي ويصبرني وأخذ الأشعة وأروح عند الدكتورة وفجاءة تقولي عندك واحد مسدود وماكنت فاهمة اصلن وتقولي الصبغة ماعدت في واحد والثاني عدت لين النهايه وفقت الصبغة وانا ماسكة بطني من المغص ومن الصدمة وبكذا صعبة الحمل وانا ابكي جوات نفسي ايش ذَا الكلام وادعي ربي والمهم بعدها راحت عند دكتور ممتاز اسمو محمد خان الكل يمدحو وأخذت موعد وكان زحمة عليه موطبيعية المهم ودخلت انا زوجي عنده وكان متفائل وأعطاني أمل وقالي لازم اسويلك عملية منظار وكلها ساعة وانتي طيبة وبنج وكذا احسن من الصبغة قلت خلاص ورح زوجي ودفع تكاليف العملية ودخلت وانا ادعي الله مايضيع تعبي وسويت العملية وأعطيني شريط مصور العملية وقلت اكيد الدكتور شاطر وخرجت من العملية والبنج موطبيعي تعبت منو وأنابس ابكي جالست يوم في المستشفى المهم بعد ماخلصت العملية ماشفت الدكتور شفت المساعد حقه قالي كل شي تمام ونجحت العملية فرحت وفرح زوجي وامي واليوم الثاني خرجت من المستشفى قالي بعد عشر ايام المرجعه عشان إفك الرتب قلت طيب وانا بعدها الكحة ذبحتني والدوخة الشديدة وتعرق موطبيعي لين عاشر يوم وانا كذا ولما رحت وانا أقلة يقولي معليش البنج كثر عليك وكذا وأعطاني علاجات وأول شي أعطاني إبرة منشطة جلست قرابة العام وانا اضرب الإبر لين نفسيت صارت زفت كل شهر اروح وأخذ الإبر وبعدين ارجع اخذ إبر التفجير وكذا تقريبا سنة وشفنا مافي اي تقدم غير الخسارة والنفسية وفي النهاية قالي عندكم أطفال انابيب احسن زوجي مارضي وانا كمان والمهم قرارنا انا وزوجي نطلع مصر عند دكتورة معروفة وكثير يمدحوها المهم رحنا وشافتني وقالت لازم إشاعة صبغة بس بكرة في مركز ولازم تكوني مخدرة وقلت طيب ان شاء الله وصمت روحنا اليوم الثاني المركز وعملت الأشعة وانا كلي خوف من الآلام لأَنِّي اعرف لانه سويتها قبل كذا وانا ادعي ربي وأبكي من خوفي واعطتني الدكتورة إبرة البنج وانا ابكي وخايفة وفجاءة صحيت وانا موقادرة امشي حاطيني في غرفة انتظارلازم تفوقي وتخرج في الحال ا وانا موقادرة البس ملابسي الداخلية بس ام زوجي الله يجزها خير كانت معايه وهى اصلن تعبانة بقوة تمشي ويأخذوني ويأحطوني على كرسي وعلى السيارة ونطلع الفندق وكان فيني تعب مو طبيعي ودخلت الفندق وانا تعبانه من البنج وأحس بمغص مره المهم حاولت انام ماقدرت جلست في الفندق لليوم الثاني ورحت للدكتورة عشان تشوف الأشعة ورحنا وقابلت الدكتورة وقالت لي انا آسفة انتي انسانه عقيمة ماتقدري تجيب 😔وزوجك من حقو يتزوج وانتي تقدري تسوي أطفال انابيب وانا وقتها كنت أتمنى اموت حسيت أني ماني في الدنيا خرجنا وكلنا ساكتين وانا أمشي والله ماحسيت بنفسي غير تمنيت الموت ورحنا وامي زوجي وبنتي في السيارة مع السوق وأم زوجي سالت انا مارديت زوجي رد قال مافي أمل تحمل مره بكت ام زوجي وقالت هذي واحدة ماتعرف وكل شي بيد الله اخسركم منها وانا ماكنت حاسه بااحد أفكر ايش اسوي بذات أني فقدت آلامل المهم رجعنا السعودية وانا كلي حزن وضيق وجلست قرابة الشهر وسمعت عند دكتور شاطر عندنا ناس راحو عند ورزقهم الله على يدو ورحت عند الدكتور احسان في عيادة خاصة ومعايه الشريط حق عملية المنظار وسألني وقالي اشوف الشريط وتعالي بعد اسبوع خليت الشريط عندو وخرجت انا وزوجي ورجعت بعد اسبوع يقولي اصلن ماصار شي في العملية غير انو جاكي نزيف والدكتور سوالك كُوي عشان يوقف النزيف استغربت وانصدمت انا وزوجي وقالي لازم أعملك العملية ثاني قلت طيب وانا شايلة هما وخايفة وقالي بعد الشهر الجاي بعد الدورة على طول وجاء الشهر الثاني ورحت انا وزوجي وقالوا في الاستقبال انو الدكتور سافر عندو مؤتمر 😩وانا وقت كنت بموت من كثر الهم والتفكير ومافي أمل غير الشهر الجاي وصبرت لين جاء الشهر الثاني ورآنا كلي هم وجاء الشهر الثاني وتوفاه خال زوجي وجلست ثلاث ايام اروح العزاء وبعد ثالث يوم اروح لدكتور انا واخت زوجي وادخل لدكتور ويسال اليوم الكم لكي كنت تقريبا عاشر يوم بعد الدورة قالي مايصير انا قلت اول ماتخلصي على طول وكنت اترجى في الدكتور انو يسوي العملية وانا مسؤلة قالي لا صعبة وانا دكتور خلاص الشهر الجاي وكان الشهر الجاي يوافق شهر الخير شهر رمضان حزنت على نفسي وقتها قلت خلاص خيره وانا كلي حزن طبعا هذي الثلاث الشهور كان زوجي ناوي يتجوز خلاص وخطب وانا زاد همي وقهري وكان موعد الملكة في شهر العيد ومااعندي أمل غير ذَا الشهر اللي هو شهر الخير وجلست ذاك الشهر لين جاءتني الدورة ١٠ رمضان وقبل تخلص الدورة قلنا نكلم الدكتور واتصلت اخت زوجي على الدكتور عندنا رقمو عشان اخذ موعد لانو صعبة في رمضان المهم واتصلت تقريبا كانت الساعه ٢ الفجر رد الدكتور وهو زعلان ويقول الساعه كم دحين وليش تتصلوا ذَا الوقت وانا مو الدكتور ومااسوي عمليات في رمضان وقفل الخط وانا ابكي ليش الدنيا والدكتور عليه المهم رحت اليوم الثاني انا واخت زوجي ماقصرت معايه عند الدكتور ودخلت وانا أقوله يادكتور الله يخليك سوي العميله وهو يقولي لا انا مااسوي في رمضان وكذا قلت نحنا اتفقنا قالي خلاص في العيد ويمكن خيره بابنتي وانا اقولو زوجي في العيد بيتجوز قالي حاليا صعبة زحمة ومافي وقت وخرجت وانا مأخذه موعد على الشهر الجأي وانا ابكي واتحسب على حظي ونصيبي ورحت البيت ومر عليه الشهر الفضيل وانا كنت قريبة من ربي قلت يارب اللي فيه الخير لي قدمو كنت احس بإحساس غريب في داخلي جاء العيدوانا استني الدورة عشان اروح اسوي العملية وجاء يوم وزوجي قالي بشتري التحليل حق الحمل وانا اقول مالو داعي وهو الا يشتري وراح جاب التحليل وسويت التحليل البول وخرجت من الحمام الله يكرمكم ورحت اتوضاء بصلي الظهر لِسَّه ماقلت الله واكبر الا زوجي يصيح ويقول الله واكبر والله اكبر راحت اجري اللي هو ساجد قلت ايش فيه وانا مستغربة وهو يقولي حامل حامل حامل وقتها صحت وطحت على الارض من كثر الفرحة وانا اقول الحمدالله وربي رزقني بي احلى بنت في الدنيا ومرت شهور الحمل كنها اول حمل لي برغم عندي بنت وبعدها رزقني ربي بولد والحمدالله اتمني منكم اخواتي اخذ العظة والعبرة وأتمنى منكم أدعولي ربي يرزقني ويحفظلي بناتي ولولدي ويحفظلي زوجي 😘
17
2K

يلزم عليك تسجيل الدخول أولًا لكتابة تعليق.

تسجيل دخول

حبيبتي جنى
حبيبتي جنى
الحمدلله. الله يفرحك. اعطتيني امل.
زوجك المهم ما تزوج.
ام رموس
ام رموس
لا الحمدالله هو كان بتزوج عشان الأولاد والله أعطاني الحمدالله وعقبال كل محرومة يارب 🌸
مرآحب
مرآحب
الله يحفضهم لك يارب
انا تقريباً مثلك .. كان عندي سدد بواحد من الانابيب وسويت منظار و فتح الانبوب الحمدلله .. لكن ماصار حمل للحين الحمدلله على كل حال ..
انتي استخدمتي شي ؟ او طبيعي .؟
مزون¤
مزون¤
الحمدلله اللي اكرمك وربي يصلحهم ويبلغك فيهم
ام رموس
ام رموس
الله يحفضهم لك يارب انا تقريباً مثلك .. كان عندي سدد بواحد من الانابيب وسويت منظار و فتح الانبوب الحمدلله .. لكن ماصار حمل للحين الحمدلله على كل حال .. انتي استخدمتي شي ؟ او طبيعي .؟
الله يحفضهم لك يارب انا تقريباً مثلك .. كان عندي سدد بواحد من الانابيب وسويت منظار و فتح الانبوب...
لا والله كنت استني موعد العملية والله رزقني قبل اسوية لأَنِّي سويتها قبل