لفحة هواء الرأس وش علاجها واعراضها الله يعافيكم

مو كل مره تسلم هالجره
سلمتي من أبو وجه و أنتي تتروشي و تطلعين لمكان بارد طبيعي بيلفحك الهواء و يلعب بالرأس لعب
تحسين راسك ثقيل و خاوي يعني تقل فاضي
فيه ناس يحطون صبخه بس ما أعرف ايش مكوناتها
لكن دهني راسك و خلف الأذن و رقبتك دار ما دار بزيت زيتون مايل للسخونه فيه ناس يحطون معه فلفل اسود المهم ألبسي طرحه ثقيله و نامي تقومين ان شاءالله مابك الا العافيه طلع الهواء مع التعر

وعليكمالسلام .جربي تحطين زيت زيتون وحبه سودا. وتحطينه على الغاز لين يحتر شوي يعني اذا لمستيه بيدك ..تحسين انه حاار وصبيه على راسك .ولفي راسك بشيله ولا شال ثقيييل...ونامي والله بترتاحين ..انا دايم يوجعني راسي اسويها وارتااح الحمدالله ...لان فيني هوا في الراس.......وقدامك العافيه🌹

ايه اعرف كثير يصير لنا والسبب رطوبة الراس اما بعرق او ماء حتى الوضوء وتطلعوا لمكان فيه هواء برضو يجيه
لازم تنشفين راسك كويس ماتطلعين برا الا وانتي مجففه شعرك بالاستشوار ولا حتى المكيف البارد بالصيف مصيبه


انا مره مكيف الوجع من ثقله نازل على عيوني اعجز افتح بصعوبه افتح عيوني من قوة وجع راسي
وبعد ماسويت زيت الزيتون وحبة البركه الدافي راح
ومره بعد جاني بصدري وانا حامل وراح بنفس اليوم بزيت الزيتون الدافي مع حبة البركه والكمون
ومره ثانيه جاني ببطني وبرضو وانا حامل هذي عاد بغيت اموت وجع قوي عجزت اوقف لان رجلي اليمين مع بطني وصعوبه بالتنفس وثقل واتصلت ابروح للطوارى مادري وشفيني قالت لي اختي لاتروحين داخلك برد لانك مهمله بلبس الشراب يالبرد صدق وانا حامل البس قمصان صيف وامشي حفيانه من احساسي بالحر
وجابت لي اختي زيت زيتون فيه مدقوق حبة البركه وكمون دافي الزيت الصدر لحد مواطي رجولي بكميه كبيره وهو لازم دافي ولبست ثقيل وشراب صوفيه ثقال وتلحفت ببطانيه ثقيله ونمت ربع ساعه قمت على جسمي يمشي فيه العرق يصب صب وف حرررر الا مافيه وجع اختفى وحرك رجلي تتحرك فجعه جاني مغص وروح للحمام الا كله غازات كثيييييييره واختفى المغص طلع البرد مع الغازات


سويها وغطي راسك بشي ثقيل عشان تعرقين ولا تتحركين انسدحي اقل شي ربع ساعه او نص ساعه
وذا ماراح اكشفي على ضروسك يمكن فيه سوس صغير رر مايبان لك بس يبان للدكتور
ويمكن من اذنك الصداع


او الجيوب الانفيه روحي للدكتور جيوب انفيه
امي كذا جاها صداع ماخلينا كل شي ماسويناه ووديناها للدكتور جيوب انفيه طلع عندها اللتهاب شديد بالجيوب الانفيه ومن قوة الالتهاب واصل للمخ ومن اخذت العلاج يوميا والصداع اختفى


وصارت للولدي عمره ثلاث سنين
قبل اسبوع كان مزكم
وطاب يعني الاسبوع الثاني يصير مرحلة نقاهه طيب وبخير
جيت وبخرت البيت الا يجي لمي يقولي يعورني ياشر على جبهته مافهمته قلت يمكن ضرب راسه الجدار وفركت جبهته ورحت اكمل شغلي جاني مره ثانيه يقول يعور هذا يعني جبهته استغربت وخفت وشفيه وفكرت تذكرت البخور قلت اكيدددد استشم واللي يعوره الجيوب الانفيه سويت له مره وشربته شوي وشممته المره مسحت تحت خشمه بالمره وراح الوجع بعدها بدقيقه


لذا حتى الجيوب الانفيه انتبهي لها

الجيوب الانفيه صداعها مولم جدا افحصي على الجيوب الانفيه حتى لو ماتحسين بشي في الانف والحجامه جدا جدا باذن الله نافعه للصداع سويها وانت على ثقه انها شفاء لان النبي عليه السلام وصى بها

تجيبن فحم حطب وتحطينه
على النار
حتى يجمر وتحطينه في المبخرة
وتجيبين شيله
الشغل يبدأ
توجهين إذنك للحرارة الجمر
مرة يمين مرة يسار
البعد حسب احتمالك للحرارة
تقريبا5دقائق
والبسي الشيله
وبتحسين براحه
وطلوع الهواء
طريقة جدتي ))