السلام عليكم و رحمه الله و بركاته

اول شي ودي اللي تدخل و عندها فكره عن سؤالي او حتى تعرف اي معلومه حتى لو شافتها بسيطه لاتبخل عليي فيها و ربي يجعلها لها في ميزان حسناتها جزاء لمساعدتها

ودي افتح مشروع خاص فيني و احقق حلمي وهو محل كبير لتصميم و خياطه فساتين السهره و الاعراس لان عندي ميول و قدره على التصميم و هم راح اجيب مصممين فلبينيين

المشكله مو عارفه شلون احط رجلي بأول خطوه و ابدا المشروع , يعني زوجي معاي يدور لي محلات للايجار و الاقي محلات حلوه بس بعدها اوقف لاني ماني عارفه نقطه البدايه وين

هل ابدا بأني اجيب العماله اللي راح تصمم و تخيط او اول شي لازم اجيب المكنات ولا اول شي ابدا بالديكور و بعدين اجيب المكنات

و الشغله الاهم هي من وين اقدر اجيب المكنات هذي و شلون اعرف الانواع اللي بحتاجها؟ سالفه المكنات هذي اهي اللي موقفتني فأي شي تعرفونه عن المكنات قولولي عنه

و ربي يوفق اي وحده بتساعدني و بتدلني حتى لو بشي بسيط
لاتكسرون فيني مثل باقي المنتديات
03-01-1427 هـ, 01:10 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياقلبي نصيحتي كمجربة بدراسة مشاريع
استاجري المحل وخلصي الديكورات بعدين جيبي المعدات
وبعدين دوري خياطات فلبينيات الي معهن اقامة اذا كنتي بجدة
والمكينات تلاقي محلات متخصصة بالبلد اذا بعد كنتي بجدة ...
03-01-1427 هـ, 01:42 صباحاً
 
اذا كنتي من جدة راسليني خاص ادلك علي اشياء ومحلات تفيدك باذن الله...
03-01-1427 هـ, 01:44 صباحاً
 
مشكوره يا شيخه الغلا بس ماني من جده
بس ممكن تدليني من اي ديره يجيبون المكنات هذي و شلون طريقه التوصل لهم
لازم تسافرين للديره نفسها ولا في طريق ثانيه؟
03-01-1427 هـ, 03:24 صباحاً
 
مرحبا ختيه مروى


في البداية احب اهنيج على هالبادره والله يوفقج في مشرووعج


بالنسبة لرايي انا اقول اول شي لازم تضمنين العماله اللي عندج مب شرط تيبينهم ,,, المهم انج تضمنين انه هذيلا بيشتغلون عندج لانهم يشكلون 50% من المشروع

وثاني شي تبدين فيه استأجار محل ومن ثم الديكور وفي نفس الوقت اللي ترتبين فيه الدكيور ابحثي عن الاجهزة اللازمه للمشروع ,,, وبها الشي تقدرين توفرين وقتج


لانج لو استأجرتي المشروع وخلصتيه وعقب بتاخذين وقت لين ما تحصليلج الايدي العامله ,,, جيه بيروح عليج نص الأجار وانتي ما استفدتي شي اللهم تدورين عن اللي بيشتغلون عندج

وبالنسبة للاجهزة صراحه ما عندي اي فكرة عن اللي في السعوديه


أتمنى إني فدتج


بالتوفيق يا ختيه
03-01-1427 هـ, 09:51 صباحاً
 


الساعة الآن 02:17 .