السلام عليكم ورحمة الله وبركاته




كيف تتعاملون مع الناس اللي تعطيك طاقه سلبيه فضيعه يعني تكونين مرتاحه ومبسوطه وتكلمك تحسسك انك ولا شي ولا لا لا انتي مو مبسوطه
يعني مثلا تكونين مرتااااااحه قمة الراحه وسعيده في حياتك جدا صح تمنين توظفين بس مو واقفه حياتك عليها ولا همك وتبين يا وظيفه كويسه يا بلااااا
تكلمك هي تحسسك انك اخر وحده فالعالم ماتوظفتي وان كل البنات توظفوا وانك تعيسه لا لا تحاولين حتى لو تقولين عكس كذا تشوفك كذابه لا اكيد انتي تعيسه
واشياء كثير فالحياه هذا بس مثال
مثلا تحسسك ان زوجك سيء وانه فيه ومافيه ولا يحبك كذا مثلا تقولك احس زوجك مايحبك مع ان الحمدلله زوجك يموووووت فيك ومايرضى عليك ويحبك بس ماله داعي امشي واقول زوجي يحبني قالي فعلي هذا شي خاااااااص وتحسسك شوفي كيف زوج فلانه وعلانه افضل من زوجك
ع فكره هي زوجها يضربها ومبهذلها خيانات اقولها لا زوجي مايضرب تكذبني يااااعالم تقول مو معقوله كل الرجال يضربون 🤐 وتحاول تدور اي عذرووووب لو نتفه وتكبره تكبره فعيني ودي اقولها انتي من اللي شفتيه جاتك حاله نفسيه
بس مااقدر مااقدر اجرحها 😔


مثلا تقولي اجلسي عند اهلك ليه تروحين بيتك ماانتي مرتاحه فبيتك مع اني ارتاح فبيتي اكثر من بيت اهلي بس استحي اقولها كذااا احط قيمة لاهلي مهما كان اقولها مااقدر لازم اروح تقول ليه وش عندك ماعندك اطفال يدرسون اجلسي عند اهلك بس مدري يعني هل المره تحتاج سبب يخليها تروح لبيتها وزوجهااا ؟؟
تقول حياتك عند اهلك احسن ليه تروحين له مدري على اي اساس تحكم ان حياتي هناك احسن 😂 مع ان حياتي مع زوجي احسن والله بس صعبه اقول هالكلام !
والله شي غريب مااعرف ارد عليها 🤐




مع ان حياتك افضل من حياتها بمليون مره
وتقدرين تردين عليها وتسكتينها بس فنفس الوقت ماودك تجرحينها وتحبينها وتدرين انها تحبك
بس هي كذا طاقه سلبيه متنقله 😔
كيف تتصرفين معها ؟
لانها فعلا تقلب مزاجي من الى اذا كلمتني ولا اقدر اقطعها احيان اعصب ع زوجي بدووون سبب بس حشتني طاقه سلبيه عليه
مهما اقول ماهمني كلامها يكفي اني عارفه نفسي لازم القى نفسي فجأه تأثرت
20-05-1438 هـ, 05:16 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
نصيحه من وحده مجربه اتركيها حطي حظر بعدين زوجك يلاحظ وتصير المشاكل وش تبين فيها انا اترك اللي كذا خاصه اذا قالت بنتك تعبانه مالها فايده قطعتهم وارتحت / وقوي علاقتك بربك لاخيبات مع الله وكثري استغفار بكره تتغيرن على زوجك غصب عنك من كلامها وهي مو نافعتك
20-05-1438 هـ, 05:22 صباحاً
 
اقتباس مشاركة  (ميليدا)
نصيحه من وحده مجربه اتركيها حطي حظر بعدين زوجك يلاحظ وتصير المشاكل وش تبين فيها انا اترك اللي كذا خاصه اذا قالت بنتك تعبانه مالها فايده قطعتهم وارتحت / وقوي علاقتك بربك لاخيبات مع الله وكثري استغفار بكره تتغيرن على زوجك غصب عنك من كلامها وهي مو نافعتك
لا تحد يقول قاطعيها الله يرضى عليكم
قلت اني مااقدر اقطعها
بيني وبينها صلة رحم لازم اتواصل معها واقابلها عند اهلي باستمرار
20-05-1438 هـ, 05:27 صباحاً
 
طيب ليه ماتحاولين انتي تأثرين عليها وتكسبين فيها أجر بالذات انك تحبينها واكيد تتمنين لها الخير

ترى الانسان دايم يكون ضحية افكاره السلبية فإذا هي انسانه متشائمة كل شيء تشوفه بنظارة سوداء مارح يكون عندها ارادة وأمل أن حياتها تتغير للأفضل

ومارح تحاول اصلا انها تغيرها لأنها مقتنعه ان حياتها تعيسة وحتى ماتشوف فيها الاشياء الجميله والنعم اللي ربي معطيها هي

انتي صارحيها وتناقشي معها بهدوء وبأسلوب حلو وبدون تجريح واذا فعلا هي تحبك مارح تزعل منك

وانصحيها انها تغير طريقة تفكيرها وتثقف نفسها وتقرا عن الطاقة السلبيه وكيف انها تتخلص منها

واذا ماقتنعت او انتي مو قادرة تكلمينها بهالموضوع فبصراحه الناس السلبيه البعد عنهم غنيمة وانا مجربه ناس مثل كذا الجلسة معهم مرض

فكان افضل حل اني اتحاشاهم قد ماقدر واحيانا كثيرة ارد عليهم فيه وحده من اللي يعطون طاقة سلبية مره قالت لي انتي مو مرتاحه بحياتك

والحقيقة اني انا فعلا ناقصني أشياء كثيرة بحياتي ومو مرتاحة بس أنا اشوف ان ربي عطاني نعم كثيرة غيري محرومين منها وماسمح لأحد يصنف حياتي على كيفه

فقلت لها الحمدلله مرتاحه بصلاتي وطاعتي فهي طاح وجهها وسكتت فأحيانا لازم تردين لهم طاقتهم لانك لو فتحتي لهم المجال بسكوتك بيطلعون كل امراضهم وعقدهم عليك

وسمعت مره دكتوره نفسية تقول عشان تبعدين عنك الطاقة السلبية من الآخرين وانتي جالسه معهم تكتفي وحطي رجل على رجل والله يعينك
20-05-1438 هـ, 06:06 صباحاً
 
طنشي كلامها وتجاهليه
اسمعي من هنا وطلعي من هنا .. وحاولي تغيرين الموضوع بلباقة واجذبيها للحديث عن شي ثاني سواءً شعر او مكياج او اثاث اي اي شي
او سلكي وقولي اييه الله يعين ، محد مرتاح في هالدنيا
ولا تاخذين كلامها على محمل الجد ابد ولا تخلينه يأثر فيك لان الناس ماعندهم الا الهذرة معطين لسانهم اجازة مفتوحة برى حلقهم
عاد هذا مجتمعنا وش نسوي
20-05-1438 هـ, 06:23 صباحاً
 


الساعة الآن 01:26 .