عادي واذا عيالك صغار !
كل العوائل تروح وعيالهم صغار !
وبالنسبة لامك الله يخليها لك واكيد من غلاك وما الومها
لكن بقولك قصة صايرة لصاحبتي
تقول ابوها وعمها متزوجين بنات عم
وجاء لهم الاثنين دورة دراسية مدتها سنتين للخارج
جدة صديقتي عيت بنتها تروح وصاحت وسوت نون ومالا يعلمون الين ام صديقتي رضخت " مع انو الاب كان متحمس ياخذهم "
وجلست زي مثل ذاك الوقت عند اهل زوجها تخدم فيهم وتخدم في عيالها وذل ما بعده ذل لمدة سنتين عاش فيها الرجال بعيد عنها
وتعود على عدم المسئولية وان زوجته لاهله حتى عياله نساهم وصار معد يهمه احد " وفي النهاية تزوج عليها وطار بالجديدة وعيالها وكنه ماقد جاه عيال "
وعم البنت نشبت ام البنت في الزوجة وعيت واصرت على مرافقة الزوج بعيالها الصغار وتحملت الغربة بس اللي صار انو العم صار مسئول عن عياله
حريص عليهم
تقرب من زوجته اكثر " وهذا ذكاء منها "
واستغلت السنتين هذي في تحبيبه فيها
ورجعت ومباشرة طلعها في بيت مستقل خايف عليها من غثاء اهله
مع انها كانت زيها زي بنت عمها في كل شي
وللحين الله يبارك لهم هو مسئول ومهتم وعياله واسرته اهم شي
والامهات اللي منعوهم
ام اللي ماسافرت بس تمشي وتسب في زوج بنتها او تلومه ومدري ايش ثم تتندم والعكس مع الثانية
مدام الوجهة خارجية
وماعندك أي مسببات غير رفض امك
ترى زوجك ماخذك بالحلال عشان تعفينه عن الحرام وهذا وقتك في مكان الفتن
ومن تجارب كثيرة لا تخيرينه لانه " في الاغلب بيسافر " اذا هو خلص كل الاجراءات وكلامك بس بيكون تصدع في حياتكم وخراب
الحل الوحيد الذكي
هو السفر معه وتفاهمي مع امك وبيني انك تبين تروحين وما تقدرين وكلها سنة وراجعين ان شاء الله
تولان
•
لازم تروحين معه ايش امي تبيني؟؟ وش فايدة زوجة اجل لو هو قال. لاتروحين كان شي لكن انتي ترفضين تروحين مالك حقك
الصفحة الأخيرة
اما اذا كانت بعافيتها استسمحي منها وسافري مازوجك عشان تعفيه سنة كاملة كثير