Analysis Services
السلام عليكم حبيت اخذ رأيكم بشغله طبعا تدرون ان الحريم الان ماسكين اغلب الاماكن سواء باستقبال المستشفيات او الاسواق واغلب الاماكن صار اللي يشتغلن فيها حريم وللاسف الشديد ان اغلبهم ماتتعامل زين مع المراه اللي مثلها يعني لو شافت حرمه كنها شافت عدوتها طبعا لاتجي وحده وتقول ليه تعممين انا ما اعمم لكن الاغلبيه من الموظفات النساء اخلاقهم بخشومهم وبعد ماكانوا الحريم يطالبون بتأنيث المحلات قبل كم سنه الحين اغلبهن صارو يشتكون من سوء تعامل الموظفات وان الرجال كانو خدومين وخلوقين اكثر

وين ماتروحين تلقين الحريم الموظفات منفسات ويالله ترد عليك ولا تشيلك وتحطك بعيونها كنك ضرتها

والاسوء بعضهم تتمادى مره وتبدأ تتجاوز حدودها وتتعامل معك بطريقه بايخه مثلا تبدأ تستهزأ فيك او بأسلوبك او بطريقة تفكيرك وانتي تكونين جاده مره لا مزحتي معها ولا ضحكتي ولا طيحتي ميانه انتي تعامليها بحدود عملها وهي تتمادى تبدأ ترمي عليك كلام او تتمسخر عليك هذا وانتي بحالك مجرد سألتيها هذا بكم او هذا وين او ابي الدكتور الفلاني تحسينها بس تبي تنفس عليك لمجرد انك حرمه زيها
المشكله بعضهم تتعامل بهالاساليب حتى بوجود زوجك وبمسمع منه او اخوك ! مافي اي احترام لان اللي معك رجال ولا احترام لك وانتي حالك من شأنك تتجرأ ترمي عليك كلام قدام زوجك مدري شلون تجيهم هالجرأه ومو بس انا شفت كذا وحده قدامي الاحظ مايحترمونها حتى لو زوجها او اخوها معها بالعكس بعضهم تستلعن لو كان معك رجال مدري وش يحسون فيه
ولو انك اخطيتي او طيحتي الميانه معها نقول معليش لكن تتعاملين معها بحدود عملها وهي تتجاوز هذه وش تسمينها؟


ارجع واقول مو الكل لكن الاغلبيه صراحه من الموظفات الحريم ماتعرف تحكم عقلها وقت الشغل ولاتقدر تفصل بين الشغل وشخصيتها وتتعامل معك بنديه اوتاخذها تحدي او فرض شخصيه وبالذات لو شافت معك اخوك او زوجك تزيد حالتها مدري هي تسوي شطاره او وشو بالضبط؟

وبهالحاله وش التصرف الصح معها؟ ان سكتنا قهر لان هي الباديه والمتجاوزه وان تكلمنا نخاف يتطور الموضوع لما لاتحمد عقباه واللي جرأها عليك بدون سبب اكيد بيخليها تتجرأ اكثر لو حاولتي تراددينهاوصعبه تصير هوشه خصوصا لو معك رجال لكن بنفس الوقت يوم تفكرين انتي بحالك ولا سويتي لها شي وهي تتعمد تستلعن معك واخرتها تضطرين تسكتين حفاظا على كرامتك مما لاتحمد عقباه
ولو عندك مواقف صارت لك اذكريها لنا والله يحفظكم من كل مكروه
29-05-1438 هـ, 10:23 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اقتباس مشاركة  (وجودي بالدنيا)
السلام عليكم حبيت اخذ رأيكم بشغله طبعا تدرون ان الحريم الان ماسكين اغلب الاماكن سواء باستقبال المستشفيات او الاسواق واغلب الاماكن صار اللي يشتغلن فيها حريم وللاسف الشديد ان اغلبهم ماتتعامل زين مع المراه اللي مثلها يعني لو شافت حرمه كنها شافت عدوتها طبعا لاتجي وحده وتقول ليه تعممين انا ما اعمم لكن الاغلبيه من الموظفات النساء اخلاقهم بخشومهم وبعد ماكانوا الحريم يطالبون بتأنيث المحلات قبل كم سنه الحين اغلبهن صارو يشتكون من سوء تعامل الموظفات وان الرجال كانو خدومين وخلوقين اكثر
وين ماتروحين تلقين الحريم الموظفات منفسات ويالله ترد عليك ولا تشيلك وتحطك بعيونها كنك ضرتها !
نجي للاسوء بعضهم تتمادى مره وتبدأ تتجاوز حدودها وتتعامل معك بطريقه بايخه مثلا تصدمك انها تبدأ تستهزأ فيك او بأسلوبك او بطريقة تفكيرك وانتي تكونين جاده مره لا مزحتي معها ولا ضحكتي ولا طيحتي ميانه انتي تعامليها بحدود عملها وهي تتمادى تبدأ بأسلوب خبيث ترمي عليك كلام او تتمسخر عليك هذا وانتي بحالك مجرد سألتيها هذا بكم او هذا وين او ابي الدكتور الفلاني تحسينها بس تبي تنفس عليك لمجرد انك حرمه زيها
المشكله بعضهم تتعامل بهالاساليب حتى بوجود زوجك وبمسمع منه او اخوك ! مافي اي احترام لان اللي معك رجال ولا احترام لك وانتي حالك من شأنك تتجرأ ترمي عليك كلام قدام زوجك مدري شلون تجيهم هالجرأه ومو بس انا شفت كذا وحده قدامي الاحظ مايحترمونها حتى لو زوجها او اخوها معها بالعكس بعضهم تستلعن لو كان معك رجال مدري وش يحسون فيه
ولو انك اخطيتي او طيحتي الميانه معها نقول معليش لكن تتعاملين معها بحدود عملها وهي تتجاوز هذه وش تسمينها؟
وبهالحاله وش التصرف الصح معها؟ ان سكتنا متنا قهر لان هي الباديه والمتجاوزه وان تكلمنا نخاف يتطور الموضوع لما لاتحمد عقباه واللي جرأها عليك بدون سبب اكيد بيخليها تتجرأ اكثر لو حاولتي تراددينهاوصعبه تصير هوشه خصوصا لو معك رجال لكن بنفس الوقت يوم تفكرين انتي بحالك ولا سويتي لها شي وهي تتعمد تستلعن معك واخرتها تضطرين تسكتين حفاظا على كرامتك مما لاتحمد عقباه
اختلت الموازين سبحان الله صار اللي معه حق يخاف من المشاكل وقلة الحياء والغلطان هو القوي
اذكر مره كنت بمحل وكان فيه وحده مع زوجها وماسكه طفل رضيع قامت الزبونه تقول للبايعه عطيني اكبر مقاس من هذا قامت البايعه جابت لها مقاس كبير وقالت بصوت عالي كلنا سمعناه بالمحل هذا اكبر مقاس عندي عساه بس يدخل انا عيوني طارت على البايعه اناظر القاها تضحك مع زميلتها من تحت النقاب واللي حرقني لقيت عيونها على زوج الزبونه زي اللي توريه شطارتها والحرمه ياعمري قلبت القطعه شوي وحطتها وخرجت واضح انها نفاس لان معها رضيع ووزنها زايد
ومره اذكر كنت بالمستشفى ويوم رحت للموظفه تقولي هاتي رقم جوالك قمت طلعت جهازي وقعدت اقول لها الرقم قامت تقولي باستهزاء معقول مو حافظه رقم جوالك؟ والمشكله اخوي لاصق فيني يعني قدامه قاعده تكلمني بهالطريقه وانا سكت قلت لو رديت بيتطور الموضوع لشي مو زين ويوم ركبنا السياره اخوي قال صدق الحريم مايستحون شلون تكلمك بهالطريقه قدامي ولا احترمت وجودي معك؟حنا الرجال ممكن نقطع بعض لكن لو واحد معه حرمه خلاص نعرف حدودنا
ارجع واقول مو الكل لكن الاغلبيه صراحه من الموظفات الحريم ماتعرف تحكم عقلها وقت الشغل ولاتقدر تفصل بين الشغل وشخصيتها وتاخذها تحدي او فرض شخصيه وبالذات لو شافت معك اخوك او زوجك تزيد حالتها مدري هي تسوي شطاره او وشو بالضبط؟
ولو انتي تعرضتي لموقف من موظفه سواء كنتي لوحدك او قدام زوجك هل بتفوتين الموقف وتسكتين؟ او بترمين عليها كلمتين ؟ او بتتهاوشين والبادي اظلم ولا وش بتسوين؟
ولو عندك مواقف صارت لك اذكريها لنا
يا عزيزتي احيانا تكن المشكله في البيئه المحيطه بالموظفه .... يعني الاسلوب السائد بينهم سخريه وتلكع وتحلطم من الزباين والخ
واحيانا يكون نابع من طبع الموظفه واخلاقها المشينه
واحيانا يكون بسبب ضغط العمل او موقف حدث لها مع زبون لم يحترمها او يقدر جهدها

الاسباب عديده
البحث عن حل من تجاههم غلط لاننا لا نملك سلوكياتهم ولا نستطيع تأهيلهم
ولكن نملك أنفسنا وسلوكياتنا

الاسلوب اللي استخدمه يكون حسب الموقف وحسب الجو

يعني بالعاده يكون موقفي تأديبي

لو كنت مكان الام اللي بيدها الرضيع كنت بأقول ( عيب عليك يا متربيه هالاسلوب الهمجي لو عندك حياء ما سويتي كذا ) كذا أأدبها لي ولغيري

اما لو كنت مكان اللي ناسيه رقم جوالها (مع ان كلامها قد يكون مزح ) بأقول عندك مشكله اني ما أحفظ جوالي ؟

القصد أرد الغلط عني باحترام واحسس الاخر بلهجه شديده انه قليل ادب وسلوكه مشين .



السكووووووووووت هو سبب تمادي الكثير
خذي حقك باحترامك ولا تسكتي عنه ولا تقلبينها مشكله وتردين الغلط بمثله او تصارخي وتتهاوشي بمكان عام .
29-05-1438 هـ, 10:35 صباحاً
 
اللي شفته وازعج زوجي مره قله الحشششششمه وعدسات وعبايه مزركشه الله يهديهم من عنده
29-05-1438 هـ, 10:47 صباحاً
 
من يوم انثوا المحلات ارتحت
عن نفسي ما واجهت قلة ذوق الا مره بمحل ماك
طبعا شافت نفسها لاني كنت بستبدل وما عجبها قامت تطنشني وتلطعني ومشت كل الخلق الا انا تقلي اجراءات عشان الاستبدال دخلت بعد صلاة المغرب ما بدلتلي الا لما اذن للعشا بثواني
عن نفسي احب افرض احترامي .. ممكن اقول لها انتم تابعين لاي وكيل وهل عندكم استبيان يظهر رضى العملاء واسألها عن اسمها وقد سويتها .. بصراحه ما حتوانى عن الشكوه .. الي تعمل بدي الوظائف مافي لها عذر للعصبيه او للتهكم .. هذي وظيفتها لازم تتعامل باسلوب محترم .. يا تترك العمل للي يقدر عليه .. ماهو عذر انها متضايقه من اي شيء .. الاسلام الزم المسلمين بالتناصح والتعامل باخلاق .. وفي حدود اسلاميه كثيره في التعامل مع البائع او المشتري .
لو حطينا مخافة الله نصب اعيننا اولا وا خذنا بالتعامل الديني فقط .. ما حنلاقي مشاكل .
29-05-1438 هـ, 10:47 صباحاً
 
معليش والله المواقف اللي ذكرتيها شخصيه ولاتُعمم ,


وانا نزلاتي للسوق كثيره وتعاملااتي معاهم كثيره ولا مر علي مثل ماتقولين !


معقول تقولين الغالبيه وانل ماشفت ولاصنف واحد من هالغالبيه ؟


بالعكس اول ماادخل يرحبون ويعرضون علي المساعده بس ماعمري شفت اي قلة ذوق ,


ماادري هل يعتمد ع المنطقه اللي عايشين فيها ؟


واعتقد هالموضوع انطرح اكثر من مره قبل كذا في عالم حواء , وانا اشوفه مو شي يستحق ,


كل اللي شفتهم محترمين ويمكن ملاحظتي عليهم انشغالهم بالجوال ولاعمري قابلت اي قلة ذوق ,
29-05-1438 هـ, 11:32 صباحاً
 


الساعة الآن 03:48 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏